15-ամյա Մարիա Ազիզյանը դարձել է Բուլղարիայում անցկացված J60 Burgas մրցաշարի հաղթող
Թենիս
- Հեղինակ: Vahe Hakobyan
- Sportaran
Հայաստանի 15-ամյա թենիսիստուհի Մարիա Ազիզյանը դարձել է Բուլղարիայի Բուրգաս քաղաքում անցկացված ITF J60 Burgas պատանեկան մրցաշարի հաղթող։
Եզրափակչում Ազիզյանը լարված պայքարում հաղթել է իտալացի Աննա Ներելլիին՝ 6:2, 3:6, 7:6 (7:4) հաշվով և նվաճել չեմպիոնի կոչումը։
Հայ մարզուհու ճանապարհը դեպի տիտղոսը հեշտ չի եղել։ Մարիան մրցաշարը սկսել է որակավորման փուլից և ընդհանուր առմամբ տարել է վեց անընդմեջ հաղթանակ։ Մինչ եզրափակիչ նա հաղթել է Բուլղարիայի երեք ներկայացուցիչների, Ուկրաինայի մեկ թենիսիստուհու և ևս մեկ իտալացի մարզուհու։
Բուրգասում գրանցած հաջողությունը հերթական կարևոր նվաճումն է 15-ամյա թենիսիստուհու կարիերայում՝ ևս մեկ անգամ հաստատելով նրա մեծ ներուժը միջազգային պատանեկան ասպարեզում։