Կորյանը բացեց գոլերի հաշիվը մրցաշրջանում, «Ռոդինան» ամրապնդում է դիրքերը ՌՊԼ-ի պայքարում

Հայաստանի ազգային հավաքականի նախկին հարձակվող Արշակ Կորյանը նշել է իր առաջին գոլը Ռուսաստանի Առաջին լիգայի ընթացիկ մրցաշրջանում։ Նրա ակումբը՝ «Ռոդինան», վստահ հաղթանակ տարավ «Սոկոլի» նկատմամբ՝ 3:1 հաշվով։

27 տուրից հետո «Ռոդինան» զբաղեցնում է երկրորդ տեղը մրցաշարային աղյուսակում և շարունակում է պայքարը Ռուսաստանի Պրեմիեր լիգա դուրս գալու համար։

Հայաստանի երիտասարդական հավաքականի հարձակվող Արթուր Գարիբյանը այս խաղում մնաց մոսկովյան թիմի պահեստային կազմում։

Կորյանի գոլի տեսանյութը

30-ամյա Կորյանը ընթացիկ մրցաշրջանում անցկացրել է 18 հանդիպում Առաջին լիգայում, խփել է 1 գոլ և կատարել 2 գոլային փոխանցում։ Բացի այդ, նրա հաշվին կա ևս մեկ գոլ Ռուսաստանի գավաթի խաղարկությունում։