«Ինտերը» կամային հաղթանակ տարավ «Նապոլիի» նկատմամբ՝ հետ բերելով 0:2 հաշիվը
- Հեղինակ: Vahe Hakobyan
- Sportaran
Միլանի «Ինտերը» Իտալիայի առաջնության 3-րդ տուրում տպավորիչ կամային հաղթանակ տարավ «Նապոլիի» նկատմամբ՝ հաղթելով 3:2 հաշվով։
Առաջին խաղակեսն ավարտվեց առանց գոլերի, սակայն երկրորդ կեսի մեկնարկում նեապոլցիները երկու անգամ գրավեցին տանտերերի դարպասը։ 50-րդ րոպեին աչքի ընկավ Մատեո Պոլիտանոն, իսկ երեք րոպե անց հյուրերի առավելությունը կրկնապատկեց Ռասմուս Հոյլունդը։
Կրիստիան Կիվուի գլխավորած թիմը կարողացավ կազմակերպել տպավորիչ քամբեք։ Լաուտարո Մարտինեսը կրճատեց հաշվի տարբերությունը, այնուհետև Մարկուս Թյուրամը վերականգնեց հավասարակշռությունը, իսկ արդեն ավելացված ժամանակում «ներաձուրիների» ավագը դուբլ ձևակերպեց՝ հաղթական գոլը խփելով 92-րդ րոպեին։
Երկրորդ խաղակեսը չափազանց դիտարժան և լարված ստացվեց։ «Ինտերը» լիովին գերիշխեց հարձակման գծում՝ մրցակցի դարպասին հասցնելով 29 հարված, և արժանիորեն վաստակեց երեք միավոր։
Երեք տուրից հետո միլանյան ակումբը վաստակել է 9 միավոր, դեռևս միավոր չի կորցրել և միանձնյա գլխավորում է Ա Սերիայի մրցաշարային աղյուսակը։
Հայաստանի ազգային հավաքականի կիսապաշտպան Հենրիխ Մխիթարյանը կրկին խաղադաշտ դուրս չեկավ։ 37-ամյա ֆուտբոլիստը, որը նոր մրցաշրջանում դեռևս ոչ մի հանդիպման չի մասնակցել, ամբողջ խաղն անցկացրեց պահեստայինների նստարանին։