Էդուարդ Սպերցյանը մասնակցել է «Ալ-Ահլիի» գոլային գրոհին «Հոլշտայն Քիլի» դեմ խաղում
Ֆուտբոլ
- Հեղինակ: Vahe Hakobyan
- Sportaran
Սաուդյան Արաբիայի «Ալ-Ահլին» Ավստրիայում անցկացվող ուսումնամարզական հավաքի շրջանակում ընկերական խաղում պարտվել է գերմանական «Հոլշտայն Քիլին»։
Հանդիպումն ավարտվել է գերմանական թիմի՝ 4:1 հաշվով հաղթանակով։
Հայաստանի հավաքականի կիսապաշտպան Էդուարդ Սպերցյանը խաղը սկսել է «Ալ-Ահլիի» մեկնարկային կազմում և խաղադաշտում անցկացրել առաջին խաղակեսը։ Հայ ֆուտբոլիստը մասնակցել է իր թիմի գոլային գրոհին։
Սպերցյանի համար սա երկրորդ հանդիպումն էր «Ալ-Ահլի» տեղափոխվելուց հետո։ Նոր ակումբի կազմում իր առաջին խաղում նա դարձել էր գոլի հեղինակ։
Թիմը շարունակում է պատրաստվել նոր մրցաշրջանին Ավստրիայում։ «Ալ-Ահլին» առաջին պաշտոնական հանդիպումը կանցկացնի օգոստոսի 16-ին՝ Սաուդյան Արաբիայի գավաթի խաղարկությունում։
Անձ:
Էդուարդ Սպերցյան