Բոսնոյանը UFC-ում երրորդ մենամարտը կանցկացնի անպարտելի ադրբեջանցու դեմ
- Հեղինակ: Vahe Hakobyan
- Sportaran
Ժան-Պոլ Բոսնոյանը (11-2, UFC 2-0) UFC-ում իր հաջորդ մենամարտը կանցկացնի անպարտելի ադրբեջանցի մարտիկ Ֆարման Հասանովի (5-0, UFC 1-0) դեմ։
Կիսամիջին քաշային կարգի մենամարտը տեղի կունենա հոկտեմբերի 31-ին Լաս Վեգասում կայանալիք UFC Fight Night մրցաշարում։
Բոսնոյանը, որը UFC-ում հանդես է գալիս Jean-Paul Lebosnoyani անունով, 2025 թվականին պայմանագիր է ստացել կազմակերպության հետ՝ Dana White’s Contender Series մրցաշարում հաղթանակից հետո։ 2026 թվականին նա նորամուտը նշեց UFC-ում և արդեն հասցրել է երկու հաղթանակ տոնել մրցավարների որոշմամբ։
Հասանովի դեմ մենամարտը Բոսնոյանի համար կդառնա արդեն երրորդ ելույթը UFC-ում 2026 թվականի ընթացքում։
Ֆարման Հասանովը կազմակերպությունում նորամուտը նշել է 2026 թվականի հունիսին՝ Բաքվում կայացած UFC մրցաշարում։ Օկտագոնում իր առաջին մենամարտում ադրբեջանցի մարզիկը մրցավարների որոշմամբ հաղթել է Էրիկ Նոլանին։
Այսպիսով, Լաս Վեգասում Հասանովը կփորձի պահպանել իր անպարտելի ռեկորդը, իսկ Բոսնոյանը՝ UFC-ում իր հաղթական շարքը հասցնել երեք մենամարտի։
UFC-ի նոր մարտիկ Ժան-Պոլ Բոսնոյան. «Հպարտ եմ իմ հայկական ծագմամբ»