Հայաստանի դպրոցները Եվրոպայի դպրոցականների թիմային առաջնության լավագույն վեցյակում

Ծաղկաձորում ավարտվել է FIDE ISCF-ի դպրոցականների թիմային աշխարհի առաջնության եվրոպական փուլը, որն անցկացվել է Հայաստանում 2026 թվականի սեպտեմբերի 28-ից հոկտեմբերի 3-ը։

Մրցաշարին մասնակցել է 25 երկրի 27 թիմ։ Մասնակիցներն անցկացրել են ութ տուր, որոնց արդյունքով հաղթող է դարձել Բելառուսի Մինսկի թիվ 50 գիմնազիայի թիմը։

Երկրորդ տեղը զբաղեցրել է Լատվիայի Ռիգայի թիվ 1 պետական գիմնազիան, իսկ բրոնզե մեդալակիր է դարձել Վրաստանի Քութայիսի Անդրիա Ռազմաձեի անվան թիվ 41 ֆիզիկամաթեմատիկական հանրային դպրոցը։

Հայաստանը տնային մրցաշարում ներկայացրել են երեք ուսումնական հաստատություններ։ Հայկական թիմերից լավագույն արդյունքը գրանցել է «Մխիթար Սեբաստացի» կրթահամալիրը, որը զբաղեցրել է հինգերորդ տեղը։ Երևանի թիվ 77 հիմնական դպրոցը մրցաշարն ավարտել է վեցերորդ հորիզոնականում, իսկ Այնթապի թիվ 1 միջնակարգ դպրոցը զբաղեցրել է 13-րդ տեղը։

Մրցաշարի լավագույն եռյակը

1. Մինսկի թիվ 50 գիմնազիա — Բելառուս

2. Ռիգայի թիվ 1 պետական գիմնազիա — Լատվիա

3. Քութայիսի Անդրիա Ռազմաձեի անվան թիվ 41 ֆիզիկամաթեմատիկական հանրային դպրոց — Վրաստան

Կազմակերպիչները նաև պարգևատրել են յուրաքանչյուր խաղատախտակի վրա լավագույն անհատական արդյունքները գրանցած մասնակիցներին։

Առաջին խաղատախտակ:

1. Դամիր Բուլգակ — Բելառուս

2. Տին Բիտի — Խորվաթիա

3. Ուրոշ Վուչկովիչ — Սերբիա

Երկրորդ խաղատախտակ:

1. Դանիել Բենիոսև — Լատվիա

2. Միկիտա Մազանիկ — Բելառուս

3. Ադրիան Կորնիլով — Էստոնիա

Երրորդ խաղատախտակ:

1. Կրիշյանիս Լազարս — Լատվիա

2. Պլատոն Կիրիտշենկո — Էստոնիա

3. Կիրիլ Բաբեյկին — Բելառուս

Չորրորդ խաղատախտակ:

1. Իոանա-Քրիստիանա Պոմիրլեանու — Ռումինիա

2. Կատրինա Յակովլևա — Բելառուս

3. Ադամ Բեն Ավի — Իսրայել

Պահեստային խաղատախտակ:

1. Լիլե Սվանաձե — Վրաստան

2. Խուլեն Արբիսու Կատալան — Իսպանիա

3. Մաքսիմիլիան Վիլեժինսկի — Լեհաստան

Մայրցամաքային փուլերի հաղթողները հնարավորություն կստանան պայքարը շարունակել արդեն համաշխարհային մակարդակում։ Դպրոցականների թիմային աշխարհի առաջնությունը կանցկացվի դեկտեմբերին Ղազախստանում, որտեղ տարբեր մայրցամաքների ուժեղագույն դպրոցական թիմերը կպայքարեն աշխարհի չեմպիոնի կոչման համար։

Ծաղկաձորում խոշոր միջազգային մրցաշարի անցկացումը ևս մեկ անգամ Հայաստանը դարձրեց դպրոցական շախմատի կարևոր կենտրոններից մեկը, իսկ հայկական երկու թիմեր կարողացան եվրոպական փուլն ավարտել լավագույն վեցյակում։