Հայաստանը ծանրամարտի ԵԱ-2026-ում նվաճեց թիմային բրոնզ և մեդալների հաշվարկով ընդգրկվեց լավագույն եռյակում

Հայաստանի ծանրամարտի հավաքականը հաջողությամբ ավարտեց ելույթները 2026 թվականի Եվրոպայի մինչև 20 (U20) և մինչև 23 (U23) տարեկանների առաջնությունում, որը հոկտեմբերի 12-19-ը անցկացվեց Ալբանիայի Դուրես քաղաքում։

Մրցաշարի արդյունքում Հայաստանի 19 ծանրորդները նվաճեցին 23 մեդալ՝ 10 ոսկե, 7 արծաթե և 6 բրոնզե։ Այս արդյունքը Հայաստանին թույլ տվեց զբաղեցնել երրորդ տեղը առաջնության մեդալների ընդհանուր հաշվարկում՝ զիջելով միայն Թուրքիային և Վրաստանին։

Թիմային գլխավոր նվաճումը մինչև 20 տարեկան տղամարդկանց պայքարում նվաճած բրոնզե մրցանակն էր։ Բացի այդ, հայ ծանրորդ Նարեկ Գրիգորյանը ճանաչվեց Եվրոպայի առաջնության լավագույն մարզիկը իր տարիքային խմբում։

Հայաստանի հավաքականի բոլոր մեդալակիրները ԵԱ-2026-ում

Տղամարդիկ U20 — 4 ոսկե, 2 արծաթե, 3 բրոնզե

• Դավիթ Առաքելյան (65 կգ) — արծաթե մեդալ պոկում վարժությունում (127 կգ)։

• Սամվել Մարտիրոսյան (70 կգ) — ոսկե մեդալ պոկում վարժությունում (139 կգ), բրոնզե մեդալ երկամարտում (296 կգ)։

• Նարեկ Գրիգորյան (75 կգ) — երեք ոսկե մեդալ՝ պոկում (146 կգ), հրում (176 կգ) և երկամարտ (322 կգ)։ Սահմանեց Եվրոպայի երեք երիտասարդական ռեկորդ։

• Նարեկ Մկրտչյան (85 կգ) — երկու բրոնզե մեդալ՝ պոկում վարժությունում (153 կգ) և երկամարտում (338 կգ)։

• Վալերիկ Մովսիսյան (95 կգ) — արծաթե մեդալ պոկում վարժությունում (160 կգ)։ Երկամարտում 347 կգ արդյունքով զբաղեցրեց չորրորդ տեղը։

Կանայք U20 — 2 ոսկե, 1 արծաթե, 1 բրոնզե

• Աննա Ամրոյան (77 կգ) — բրոնզե մեդալ պոկում վարժությունում (102 կգ)։

• Էմմա Պողոսյան (86 կգ) — ոսկե մեդալներ հրում վարժությունում (140 կգ) և երկամարտում (249 կգ), արծաթե մեդալ պոկում վարժությունում (109 կգ)։

Տղամարդիկ U23 — 1 ոսկե, 4 արծաթե, 2 բրոնզե

• Սեյրան Խուդանյան (60 կգ) — երկու բրոնզե մեդալ՝ հրում վարժությունում (139 կգ) և երկամարտում (256 կգ)։

• Տիգրան Կարապետյան (75 կգ) — ոսկե մեդալ պոկում վարժությունում (148 կգ), արծաթե մեդալներ հրում վարժությունում (175 կգ) և երկամարտում (323 կգ)։

• Մարտին Պողոսյան (85 կգ) — երկու արծաթե մեդալ՝ հրում վարժությունում (190 կգ) և երկամարտում (343 կգ)։

Կանայք U23 — 3 ոսկե

• Ալեքսանդրա Գրիգորյան (57 կգ) — երեք ոսկե մեդալ՝ պոկում (90 կգ), հրում (112 կգ) և երկամարտ (202 կգ)։

Այսպիսով, Եվրոպայի առաջնությունում մեդալներ նվաճեցին Հայաստանի 11 ներկայացուցիչներ։ Մեդալների հաշվարկում ներառված են երեք մրցաձևերում՝ պոկում, հրում և երկամարտ, նվաճված պարգևները։

---

Եվրոպայի առաջնության թիմային հաշվարկի ամբողջական արդյունքները

Կանայք U20

Մեդալային հաշվարկ

1. Բելառուս — 5 ոսկե մեդալ։

2. Թուրքիա — 4 ոսկե, 5 արծաթե, 3 բրոնզե։

3. Ֆինլանդիա — 3 ոսկե, 2 բրոնզե։

Հայաստան — 6-րդ տեղ (2 ոսկե, 1 արծաթե, 1 բրոնզե)։

Այս տարիքային խմբում Հայաստանը ներկայացնում էին չորս մարզուհիներ։

Թիմային հաշվարկ՝ ըստ միավորների

1. Թուրքիա — 555 միավոր։

2. Ռուսաստան — 498 միավոր։

3. Բելառուս — 403 միավոր։

Հայաստան — 10-րդ տեղ (224 միավոր)։

Տղամարդիկ U20

Մեդալային հաշվարկ

1. Թուրքիա — 7 ոսկե, 2 արծաթե, 3 բրոնզե։

2. Հայաստան — 4 ոսկե, 2 արծաթե, 3 բրոնզե։

3. Վրաստան — 3 ոսկե, 6 արծաթե, 5 բրոնզե։

Այս տարիքային խմբում հանդես եկան Հայաստանի ութ ծանրորդներ։

Թիմային հաշվարկ՝ ըստ միավորների

1. Վրաստան — 556 միավոր։

2. Թուրքիա — 555 միավոր։

3. Հայաստան — 530 միավոր։

Թիմային գավաթներն ու մեդալները բաշխվում են հենց միավորային հաշվարկի հիման վրա։ Այսպիսով, Հայաստանի հավաքականը Եվրոպայի առաջնության մինչև 20 տարեկան տղամարդկանց պայքարում նվաճեց թիմային բրոնզե գավաթը։

Կանայք U23

Մեդալային հաշվարկ

1. Լեհաստան — 5 ոսկե, 1 արծաթե, 1 բրոնզե։

2. Թուրքիա — 4 ոսկե, 2 արծաթե, 3 բրոնզե։

3. Ուկրաինա — 3 ոսկե, 3 արծաթե, 2 բրոնզե։

Հայաստան — 6-րդ տեղ (3 ոսկե մեդալ)։

Այս տարիքային խմբում Հայաստանի բոլոր երեք ոսկե մեդալները նվաճեց Ալեքսանդրա Գրիգորյանը, որը երկրի միակ ներկայացուցիչն էր կանանց U23 մրցաշարում։

Թիմային հաշվարկ՝ ըստ միավորների

1. Ռուսաստան — 470 միավոր։

2. Լեհաստան — 397 միավոր։

3. Իսպանիա — 388 միավոր։

Հայաստան — 18-րդ տեղ (84 միավոր)։

Տղամարդիկ U23

Մեդալային հաշվարկ

1. Ուկրաինա — 4 ոսկե, 5 արծաթե, 2 բրոնզե։

2. Վրաստան — 4 ոսկե, 3 արծաթե, 5 բրոնզե։

3. Ռուսաստան — 4 ոսկե, 3 արծաթե, 2 բրոնզե։

Հայաստան — 7-րդ տեղ (1 ոսկե, 4 արծաթե, 2 բրոնզե)։

Հայաստանն այս տարիքային խմբում ներկայացնում էին վեց մարզիկներ։

Թիմային հաշվարկ՝ ըստ միավորների

1. Ռուսաստան — 538 միավոր։

2. Վրաստան — 509 միավոր։

3. Թուրքիա — 449 միավոր։

4. Հայաստան — 397 միավոր։

Այսպիսով, Հայաստանի U23 հավաքականը զբաղեցրեց չորրորդ տեղը՝ ընդամենը մեկ քայլ հեռու մնալով թիմային մրցանակային եռյակից։

Նարեկ Գրիգորյանը՝ Եվրոպայի U20 առաջնության լավագույն ծանրորդ

Մրցումների ավարտից հետո կազմակերպիչները որոշեցին լավագույն մարզիկներին տարիքային և սեռային բոլոր չորս խմբերում։

Տղամարդիկ U20

• 1-ին տեղ — Նարեկ Գրիգորյան (Հայաստան, 75 կգ)։

Կանայք U20

• 1-ին տեղ — Էմիլի Իբանյես Գերերո (Կոսովո, 69 կգ)։

• Հայաստանի լավագույն ներկայացուցիչը՝ Էմմա Պողոսյան (86 կգ), 3-րդ տեղ։

Տղամարդիկ U23

• 1-ին տեղ — Զուրաբ Մսխալաձե (Վրաստան, 85 կգ)։

• Հայաստանի լավագույն ներկայացուցիչը՝ Մարտին Պողոսյան (85 կգ), 6-րդ տեղ։

Կանայք U23

• 1-ին տեղ — Մարտինա Դոլեգա (Լեհաստան, 69 կգ)։

• Հայաստանի լավագույն ներկայացուցիչը՝ Ալեքսանդրա Գրիգորյան (57 կգ), 4-րդ տեղ։

Եվրոպայի առաջնության մեդալների ընդհանուր հաշվարկը

Բոլոր չորս խմբերի արդյունքների համադրմամբ լավագույն եռյակը հետևյալ տեսքն ունի.

1. Թուրքիա — 19 ոսկե, 12 արծաթե, 9 բրոնզե (ընդհանուր՝ 40 մեդալ)։

2. Վրաստան — 11 ոսկե, 17 արծաթե, 10 բրոնզե (ընդհանուր՝ 38 մեդալ)։

3. Հայաստան — 10 ոսկե, 7 արծաթե, 6 բրոնզե (ընդհանուր՝ 23 մեդալ)։

Հայաստանի հավաքականը Դուրեսում ավարտված Եվրոպայի առաջնությունը եզրափակեց 23 մեդալով, մինչև 20 տարեկան տղամարդկանց թիմային բրոնզով և մեդալների ընդհանուր հաշվարկում երրորդ տեղով։ Բացի այդ, Նարեկ Գրիգորյանն արժանացավ առաջնության լավագույն երիտասարդ ծանրորդի կոչմանը։

Մրցաշարի արդյունքների ամբողջական գրքույկը։