Հայաստան – Հունգարիա. որտեղ դիտել ֆուտզալի ԱԱ-2028-ի ընտրական հանդիպման ուղիղ հեռարձակումը
- Հեղինակ: Vahe Hakobyan
- Sportaran
Այսօր՝ հոկտեմբերի 20-ին, ֆուտզալի Հայաստանի ազգային հավաքականը կանցկացնի իր առաջին հանդիպումը 2028 թվականի աշխարհի առաջնության ընտրական փուլում։ Հայաստանի հավաքականը սեփական հարկի տակ կմրցի Հունգարիայի ընտրանու հետ։
Հանդիպումը կկայանա Երևանում՝ «Ավան» ակադեմիայի մարզահամալիրում։ Խաղի մեկնարկը՝ ժամը 19:00-ին՝ Երևանի ժամանակով։
Որտե՞ղ դիտել Հայաստան – Հունգարիա հանդիպման ուղիղ հեռարձակումը
Հայաստան – Հունգարիա հանդիպման ուղիղ հեռարձակումը կցուցադրի Հայաստանի Առաջին ալիքը (H1)։
Բացի այդ, հանդիպմանը հնարավոր կլինի առցանց հետևել VK Video հարթակում։
Դիտել Հայաստան – Հունգարիա հանդիպման ուղիղ հեռարձակումը VK Video-ում
Մրցաշարային դրությունը և Հայաստանի մրցակիցները
Հայաստանի հավաքականը հանդես է գալիս 2028 թվականի աշխարհի առաջնության եվրոպական ընտրական փուլի հիմնական փուլի 1-ին խմբում, որտեղ նրա մրցակիցներն են Հունգարիայի և Շվեդիայի հավաքականները։
Հունգարիայի հավաքականն արդեն անցկացրել է ընտրական փուլի իր առաջին հանդիպումը՝ սեփական հարկի տակ 3:1 հաշվով հաղթելով Շվեդիային։
Հայաստանի համար առաջիկա հանդիպումը կլինի առաջինը ընտրական մրցաշարում։ Հաջորդ հանդիպումը Հայաստանի հավաքականը կանցկացնի նոյեմբերի 7-ին՝ արտագնա խաղում մրցելով Շվեդիայի հետ։