Հայաստանի Մ19 հավաքականը երկրորդ ընկերական խաղում պարտվեց Էստոնիային
- Հեղինակ: Vahe Hakobyan
- Sportaran
Հայաստանի Մ19 պատանեկան հավաքականը երկրորդ ընկերական հանդիպումն անցկացրեց Էստոնիայի հասակակիցների դեմ։ Հանդիպումն ավարտվեց էստոնացիների հաղթանակով՝ 3:1 հաշվով։
Հաշիվը բացվեց 15-րդ րոպեին՝ աչքի ընկան Էստոնիայի հավաքականի ֆուտբոլիստները։ Սակայն ընդամենը երկու րոպե անց Հայաստանը վերականգնեց հավասարությունը․ 17-րդ րոպեին «Ուրարտուի» պաշտպան Էրիկ Օթարյանը խփեց հայկական թիմի միակ գոլը։
Հավասար հաշիվը երկար չպահպանվեց։ 21-րդ րոպեին Էստոնիան կրկին առաջ անցավ, իսկ վերջնական հաշիվը ձևակերպվեց 74-րդ րոպեին՝ 3:1։
Հայաստանի Մ19 հավաքականի մեկնարկային կազմը
Նուբար Գիշյան — Էդգար Պողոսյան, Արթուր Մովսեսյան, Էրիկ Օթարյան, Էդմոնդ Հայրապետյան — Աշոտ Ոսկանյան, Մարտին Շահգելդյան, Ալբերտ Գարեգինյան, Ժիրայր Աշիկյան — Մայքլ Ասիրյան, Դավիթ Բատոյան (Ա)։
Սա թիմերի երկրորդ ընկերական հանդիպումն էր ընթացիկ հավաքի շրջանակում։ Առաջին հանդիպումը, որը կայացել էր հոկտեմբերի 2-ին, ավարտվել էր ոչ-ոքի՝ 1:1։
Հաջորդ հանդիպումները Հայաստանի Մ19 հավաքականը կանցկացնի արդեն Եվրոպայի 2027 թվականի առաջնության ընտրական փուլում։ Նոյեմբերի 14-ին հայկական թիմը կհանդիպի Ալբանիային, իսկ նոյեմբերի 17-ին՝ Կիպրոսին։ Երկու հանդիպումներն էլ կանցկացվեն Կիպրոսում։