Հայաստանը մեդալ չնվաճեց ձյուդոյի Եվրոպայի Մ21 առաջնության առաջին օրը

Սեպտեմբերի 3-ին Պոդգորիցայում (Չեռնոգորիա) մեկնարկեց ձյուդոյի Եվրոպայի մինչև 21 տարեկանների առաջնությունը։ Մրցումների առաջին օրը խաղարկվեցին մեդալների հինգ հավաքածուներ՝ տղամարդկանց մինչև 60 և 66 կգ, ինչպես նաև կանանց մինչև 48, 52 և 57 կգ քաշային կարգերում։

Մեկնարկային օրը տատամի դուրս եկան Հայաստանի հավաքականի չորս ներկայացուցիչներ, սակայն նրանցից ոչ մեկին չհաջողվեց տեղ զբաղեցնել մրցանակակիրների շարքում։

Առաջին օրվա լավագույն արդյունքը գրանցեց Ադրբեջանի հավաքականը՝ նվաճելով երկու ոսկե մեդալ։ Եվրոպայի չեմպիոններ դարձան Այխան Միրզազադեն՝ մինչև 60 կգ քաշային կարգում, և Մուհամադ Մուսաևը՝ մինչև 66 կգ քաշային կարգում։ Մուսաևի համար այս տիտղոսը դարձավ երկրորդ անընդմեջը երիտասարդների Եվրոպայի առաջնություններում։

Մեկական ոսկե մեդալ նվաճեցին Ֆրանսիայի, Իսպանիայի և Սլովենիայի ներկայացուցիչները։ Ռուսաստանի հավաքականն առաջին օրն ավարտեց չորս մեդալով՝ մեկ արծաթե և երեք բրոնզե։

Ձյուդոյի Եվրոպայի Մ21 առաջնության առաջին օրվա արդյունքները

Տղամարդիկ

Մինչև 60 կգ

1. Այխան Միրզազադե (Ադրբեջան)
2. Լյուսիեն Տիքսիե (Ֆրանսիա)
3. Դանիլո Ավրամենկո (Ուկրաինա) և Լուկա Օմանաձե (Վրաստան)

Մինչև 66 կգ

1. Մուհամադ Մուսաև (Ադրբեջան)
2. Մարկո Յորգիչ (Սերբիա)
3. Աբդուլահ Պարչիև (Ռուսաստան) և Իսլամ Սուլթիգով (Ռուսաստան)

Կանայք

Մինչև 48 կգ

1. Կլաուդիա Պլա Բելմոնտե (Իսպանիա)
2. Սելին Իդիր (Ֆրանսիա)
3. Սոֆյա Զախարովա (Ռուսաստան) և Պատրիցիա Տոմանկովա (Սլովակիա)

Մինչև 52 կգ

1. Ալիսիա Պուլանժ (Ֆրանսիա)
2. Վալերիա Կոզլովա (Ռուսաստան)
3. Մարտա Բեորլեգի Օսես (Իսպանիա) և Ալիսիա Մարկես (Ֆրանսիա)

Մինչև 57 կգ

1. Նիկա Տոմց (Սլովենիա)
2. Ալիս Մարտելաչի (Իտալիա)
3. Կլարիս Կարիյոն (Ֆրանսիա) և Հիլի Զակրոյսկի (Իսրայել)