Արման Ծառուկյանը գրափլինգի մենամարտ կանցկացնի Karate Combat 54-ում
UFC թեթև քաշային կարգի վարկանիշի առաջին համար Արման Ծառուկյանը մայիսի 2-ին Դուբայում մասնակցելու է Karate Combat 54 մրցաշարին՝ գրափլինգի մենամարտում մրցելով Մախշարիպ Զայնուկովի հետ: Այս մասին հայտնել է հայտնի լրագրող Արիել Հելվանին։
Մախշարիպ Զայնուկովը (16–4) Իսլամ Մախաչևի ակումբակիցն է: Վերջին մենամարտը նա անցկացրել է PFL լիգայում, իսկ մինչ այդ հանդես է եկել UAE Warriors կազմակերպությունում՝ հաղթելով, մասնավորապես, հայ մարտիկ Սարգիս Վարդանյանին։
Հիշեցնենք, որ UFC-ի մարզիկներին թույլատրվում է մասնակցել միայն գրափլինգի մրցաշարերին UFC-ից դուրս, քանի որ դրանք համարվում են ամենաքիչ վնասվածքաբերի միջոցառումները։ Սա հնարավորություն է տալիս կազմակերպություններին, ինչպիսին է Karate Combat-ը, պարբերաբար կազմակերպել գրափլինգի մենամարտեր UFC-ի աստղերի մասնակցությամբ։
Ներկայումս Արման Ծառուկյանը գտնվում է Երևանում, որտեղ մասնակցում է տարբեր միջոցառումների և անցկացնում է վարպետության դասեր տեղական մարզիկների համար։