«Ալաշկերտը» 4:0 հաշվով ջախջախեց «Վանին» Հայաստանի առաջնության 6-րդ տուրում
Ֆուտբոլ
- Հեղինակ: Vahe Hakobyan
- Sportaran
«Ալաշկերտը» խոշոր հաշվով հաղթանակ տարավ «Վանի» նկատմամբ Հայաստանի առաջնության 6-րդ տուրի խաղում։ Հանդիպումն ավարտվեց 4:0 հաշվով։
Խաղի գլխավոր հերոսը դարձավ Դոմի Ժորես Մասումուն, որը հեթ-տրիկի հեղինակ դարձավ։ Այժմ հարձակվողի հաշվին Հայաստանի ընթացիկ առաջնությունում կա հինգ գոլ։
Եվս մեկ գոլ հեղինակեց Ֆիլիպ Էջիկեն։ Նրա համար այս գոլը դարձավ առաջինը «Ալաշկերտի» կազմում։
Գոլային փոխանցումներով աչքի ընկան Դավիթ Տերտերյանը, Օլավալե Ֆարայոլան, Կարեն Նալբանդյան և Դավիթ Նդուկան։
Վեց տուրից հետո «Ալաշկերտը» վաստակել է 13 միավոր և զբաղեցնում է մրցաշարային աղյուսակի երկրորդ հորիզոնականը։ «Վանը» մեկ միավորով գտնվում է վերջին տեղում։