Սպերցյանի «Ալ-Ահլին» խոշոր հաշվով պարտվեց «Ալ-Հիլալին» և կրեց երկրորդ անընդմեջ պարտությունը

«Ալ-Ահլին» Պրո լիգայում կրեց երկրորդ անընդմեջ պարտությունը։ Էդուարդ Սպերցյանի թիմը 0:3 հաշվով զիջեց «Ալ-Հիլալին»։

Հաղթողների կազմում գոլի հեղինակ դարձան Սերգեյ Միլինկովիչ-Սավիչը, Քրիսենսիո Սամերվիլը և Օլի Ուոթքինսը։

Ամբողջ երկրորդ խաղակեսը «Ալ-Ահլին» անցկացրեց տասը ֆուտբոլիստով՝ Մերիհ Դեմիրալի հեռացումից հետո։

Էդուարդ Սպերցյանը խաղը սկսեց մեկնարկային կազմում և անցկացրեց ամբողջ հանդիպումը։ SofaScore-ը հայ կիսապաշտպանի ելույթը գնահատեց 6,9 միավոր։

Սպերցյանի վիճակագրությունը.

• 1 ստեղծած գոլային հնարավորություն,
• 7 առանցքային փոխանցում,
• 0,52 սպասվող գոլային փոխանցում (xA),
• 6-ից 5 ճշգրիտ փոխանցում եզրից,
• փոխանցումների 89% ճշգրտություն,
• գնդակի 8 կորուստ,
• 1 խլում,
• գնդակի 3 վերադարձ։

Չնայած ստեղծած բազմաթիվ հնարավորություններին և 0,52 xA ցուցանիշին՝ Սպերցյանն առաջին անգամ «Ալ-Ահլիի» կազմում հանդիպումն ավարտեց առանց գոլի կամ գոլային փոխանցման։

Նախորդ հինգ հանդիպումներում հայ ֆուտբոլիստը «գոլ+փոխանցում» համակարգով վաստակել էր 6 միավոր՝ խփելով 3 գոլ և կատարելով 3 գոլային փոխանցում։