Ոսկի Հայաստանի համար․ Սուրեն Աղաջանյանը դարձավ մինչև 23 տարեկանների Եվրոպայի չեմպիոն (ՏԵՍԱՆՅՈՒԹ)
- Հեղինակ: Vahe Hakobyan
- Sportaran
Հայ ըմբիշ Սուրեն Աղաջանյանը դարձավ 2026 թվականի մինչև 23 տարեկանների Եվրոպայի առաջնության չեմպիոն հունահռոմեական ըմբշամարտում՝ մինչև 60 կգ քաշային կարգում։
Սերբիայի Զրենյանին քաղաքում անցկացվող մրցաշարի եզրափակչում Աղաջանյանը վստահ հաղթանակ տարավ Վրաստանի ներկայացուցիչ Գեորգի Կոչոլիձեի նկատմամբ։ Գոտեմարտն ավարտվեց ժամանակից շուտ՝ 9:0 հաշվով՝ հօգուտ հայ մարզիկի։
Ոսկե մեդալին հասնելու ճանապարհին Աղաջանյանը ցուցադրեց լիովին գերիշխող ելույթ՝ բոլոր հաղթանակները տանելով ժամանակից շուտ։ Մրցաշարի ընթացքում նա վստահորեն հաղթեց Լեհաստանի, Դանիայի և Ֆրանսիայի ներկայացուցիչներին։
Նշենք, որ Սուրեն Աղաջանյանը նախկինում արդեն դարձել էր մինչև 20 տարեկանների աշխարհի չեմպիոն և Եվրոպայի չեմպիոն։ Մինչև 23 տարեկանների Եվրոպայի առաջնությունում տարած հաղթանակը դարձավ նրա կարիերայի հերթական կարևոր նվաճումը՝ համալրելով մեդալների հավաքածուն։
Այսպիսով, Հայաստանի հավաքականը հունահռոմեական ըմբշամարտի մրցաշարում նվաճեց երկու ոսկե մեդալ։ Ավելի վաղ մինչև 130 կգ քաշային կարգում Եվրոպայի չեմպիոն էր դարձել Արամայիս Հարությունյանը։
Քննարկեք նորությունները!
Անցնել մեկնաբանություններին ↓
Comments
0