Հայաստանի կանանց հավաքականը հաղթեց Ղազախստանին Ազգերի լիգայում (ՏԵՍԱՆՅՈՒԹ)

Հայաստանի ազգային կանանց ֆուտբոլային հավաքականը շարունակում է վստահորեն հանդես գալ ՈւԵՖԱ-ի Ազգերի լիգայում։ Մրցաշարի երկրորդ տուրի շրջանակներում թիմը 2:0 հաշվով հաղթանակ տարավ Ղազախստանի հավաքականի նկատմամբ։

Հանդիպումը անցավ հայկական ֆուտբոլիստների վերահսկողության ներքո, որոնք առաջին իսկ րոպեներից ճնշում գործադրեցին մրցակցի դարպասին։ Հանդիպման առաջին գոլը հեղինակեց Սվետլանա Կարագյոզյանը՝ բացելով հաշիվն ու իր թիմին առավելություն բերելով։ Երկրորդ խաղակեսում Օքսանա Պիզլովան իրացրեց 11 մետրանոցը՝ կրկնապատկելով Հայաստանի հավաքականի առավելությունը։

ՏԵՍԱՆՅՈՒԹ։

Երկու տուրերից հետո Հայաստանի հավաքականը գլխավորում է իր խումբը՝ ունենալով 6 միավոր և 8:1 գոլերի տարբերություն։

Հաջորդ հանդիպումը հայկական հավաքականը կանցկացնի ապրիլի 4-ին Լյուքսեմբուրգի թիմի դեմ։