Հայաստանի մինչև 19 տարեկանների կանանց հավաքականը ոչ-ոքի արդյունք գրանցեց Վրաստանի դեմ ստուգողական խաղում

Օգոստոսի 14-ին Ռուսթավիում կայացած հանդիպումն ավարտվեց 3:3 հաշվով։ Խաղի 5-րդ րոպեին դաշտի տերերը առաջ անցան Անանո Ցիխարիձեի գոլի շնորհիվ, սակայն առաջին խաղակեսի վերջնամասում Ռուզաննա Խաչատրյանը հավասարեցրեց հաշիվը։ Երկրորդ կեսի մեկնարկում Նաիրա Աղվանյանը առաջ մղեց հայկական թիմին, սակայն վրացուհիները շուտով պատասխանեցին Աнастասիա Բուչուկուրիի գոլով։ 76-րդ րոպեին Լիզի Կակուլիան կրկին առաջ մղեց տանտերերին, բայց Մարիամ Ստեփանյանի սաները ցույց տվեցին կամք և 5 րոպե առաջ վերջնահաշիվը ձևակերպեց Ռուզաննա Ինջյանը։

Հիշեցնենք, որ մի քանի օր առաջ՝ օգոստոսի 11-ին, այս թիմերի առաջին ընկերական խաղում Վրաստանը մինչև 19 տարեկանների հաղթել էր 5:1 հաշվով։

Վրաստան U19 — Հայաստան U19 — 3:3 (1:1)
Գոլեր՝ Ցիխարիձե, 5, Բուչուկուրի, 53, Լ. Կակուլիա, 76 — Ռ. Խաչատրյան, 45, Աղվանյան, 46, Ինջյան, 85։