Հայ երիտասարդ բռնցքամարտիկները հաջողությամբ են հանդես եկել Վրաստանում կայացած միջազգային մրցաշարում

Հայաստանի երիտասարդական հավաքականը փայլուն արդյունքներ է ցույց տվել Վրաստանում անցկացված Ակակի Կակաուրիձեի անվան միջազգային բռնցքամարտի մրցաշարում։ Հայաստանի բռնցքամարտի ֆեդերացիայի նախագահ Հովհաննես Հովսեփյանի նախաձեռնությամբ մեր թիմը մասնակցել է այս մրցաշարին:

Հավաքականը, գլխավոր մարզիչ Կարեն Աղամալյանի ղեկավարությամբ, նվաճել է 10 մեդալ՝ 4 ոսկե, 2 արծաթե և 4 բրոնզե:

Ոսկե մեդալակիրներ են դարձել՝

• Վաղարշակ Քեյան (55 կգ),

• Ալիկ Կճոյան (65 կգ),

• Սամվել Սիրամարգյան (75 կգ),

• Սարգիս Անդրեասյան (90 կգ):

Արծաթե մեդալակիրներ՝

• Վահրամ Դովլաթբեկյան (50 կգ),

• Արտյոմ Ստեփանյան (70 կգ):

Բրոնզե մեդալակիրներ՝

• Տիգրան Մակիչյան (60 կգ),

• Արգիշտի Հակոբյան (70 կգ),

• Ալբերտ Հարությունյան (80 կգ),

• Րաֆֆի Խաչատրյան (85 կգ):