2025 թվականի Եվրոպայի պատանեկան բռնցքամարտի առաջնությունը մեկնարկում է Նովի Պազարում

Այսօր՝ հուլիսի 10-ին, Սերբիայի Նովի Պազար քաղաքում մեկնարկում է EUBC-ի հովանու ներքո անցկացվող Եվրոպայի պատանեկան առաջնությունը բռնցքամարտում։ Մրցաշարը կտեւի մինչ հուլիսի 16-ը և կընդգրկի մի շարք եվրոպական երկրների ներկայացուցիչների, թեեւ մասնակիցների թիվը նկատելիորեն նվազել է։

Առցանց ուղիղ եթերով առաջնությունն կարելի է դիտել European Boxing Confederation-ի YouTube-ալիքով։

Հայաստանի հավաքականը ներկայացված է ամբողջ կազմով՝ ինչպես տղաների, այնպես էլ աղջիկների մրցումներում։ Տղաների թիմի կազմում են՝

Տղաներ

• 46 կգ – Սուրեն Բաբլումյան

• 48 կգ – Հակոբ Շարբաթյան

• 50 կգ – Տիգրան Կիրակոսյան

• 52 կգ – Վլադիմիր Մշեցյան

• 54 կգ – Հայկ Կարապետյան

• 57 կգ – Կարեն Զախարյան

• 60 կգ – Սուրեն Քավթալյան

• 63 կգ – Կամո Վարդանյան

• 66 կգ – Արսեն Կարապետյան

• 70 կգ – Նարեկ Կիրակոսյան

• 75 կգ – Էդգար Սուքիասյան

• 80 կգ – Միքայել Գյուլումյան

• +80 կգ – Արամ Թումանյան

Աղջիկներ

• 46 կգ – Սյուզաննա Իշխանյան

• 48 կգ – Նանա Բալսանյան

• 50 կգ – Ամեստ Աֆրիկյան

• 52 կգ – Լիանա Ժամարյան

• 57 կգ – Անահիտ Հարությունյան

• 75 կգ – Վիկտորիա Սահակյան

Արդեն առաջին մրցումային օրը Հայաստանը կներկայացնեն Սուրեն Քավթալյանը (60 կգ) և Կամո Վարդանյանը (63 կգ)։

Նշենք, որ շատ երկրներ միացել են նոր ստեղծված World Boxing կազմակերպությանը՝ դուրս գալով IBA-ից և նրա եվրոպական ստորաբաժանումից՝ EUBC-ից։ Սա բացասաբար է ազդել մասնակիցների քանակի վրա․ որոշ քաշային կարգերում մրցակցությունը ձևական բնույթ է կրում։ Օրինակ՝ Հայաստանի աղջիկների հավաքականի բոլոր 6 անդամներն արդեն ապահովել են առնվազն բրոնզե մեդալ, իսկ Սյուզաննա Իշխանյանն ու Վիկտորիա Սահակյանը անմիջապես անցել են եզրափակիչ։

Տղաների թվում առնվազն բրոնզ արդեն ապահովել են Տիգրան Կիրակոսյանը (50 կգ) և Սուրեն Բաբլումյանը (46 կգ)։

Մրցաշարին մասնակցում են Հայաստանի, Ռուսաստանի, Ադրբեջանի, Սերբիայի, Բոսնիա և Հերցեգովինայի, Հյուսիսային Մակեդոնիայի, Չեռնոգորիայի, Գերմանիայի, Իսպանիայի, Մոլդովայի, Սլովակիայի, Վրաստանի, Չեխիայի, Լատվիայի, Մալթայի և Բելառուսի հավաքականները։