Վլադիսլավ Յակովլևը խփեց իր առաջին գոլը Հայաստանում և այն անմիջապես հաղթական դարձավ (ՎԻԴԵՈ)

«Ուրարտուն» հաղթանակ կորզեց «Գանձասարից» հանդիպման վերջին րոպեին։ Վլադիսլավ Յակովլևը հաշիվը դարձրեց 2:1՝ խփելով իր առաջին գոլը նոր թիմի կազմում։

Մոսկվայի ԲԿՄԱ-ից վարձակալված Վլադիսլավ Յակովլևի համար այս գնդակը դարձավ դեբյուտային «Ուրարտուի» կազմում և անմիջապես բերեց թիմին երեք միավոր։

ՎԻԴԵՈ:

Պրեմիեր լիգայի 23-րդ տուրի խաղում «Ուրարտուն» սեփական դաշտում դժվար հաղթանակ տարավ «Գանձասարի» նկատմամբ՝ 2:1 հաշվով։

Հյուրերը առաջ անցան 14-րդ րոպեին՝ շնորհիվ Կամերունի հարձակվող Բերտրան Մանիի գոլի։ Սակայն երկրորդ կեսում «Ուրարտուն» հավասարեցրեց հաշիվը․ 48-րդ րոպեին աչքի ընկավ Ժիրայր Մարգարյանը։ Հաղթական գոլը 97-րդ րոպեին խփեց ռուս հարձակվող Վլադիսլավ Յակովլևը։

Այս հաղթանակից հետո «Ուրարտուն» հավաքեց 47 միավոր և զբաղեցնում է մրցաշարային աղյուսակի երկրորդ տեղը։ «Գանձասարը» կրեց իր ութերորդ անընդմեջ պարտությունը և մնում է վերջին՝ 11-րդ տեղում՝ երկու միավորով։