Վարդան Մինասյանը հեռացել է «Արարատ-Արմենիայից» մարզչական շտաբի հետ միասին

Եզրափակիչ մրցաշրջանից հետո «Արարատ-Արմենիայի» գլխավոր մարզիչ Վարդան Մինասյանն ու նրա ողջ մարզչական շտաբը հեռացել են ակումբից։ Մասնագետի պայմանագիրը Հայաստանի Պրեմիեր Լիգայի փոխչեմպիոնների հետ ավարտվել է։

Սեզոնի վերջին խաղում «Արարատ-Արմենիան» 6-0 հաշվով ջախջախեց «Արարատին» և մրցաշրջանը եզրափակեց երկրորդ հորիզոնականում։

Մինասյանը գլխավորել է երևանյան թիմը երկու փուլով՝ 2018-2020 և 2023-2025 թթ․։ Նրա ղեկավարությամբ «Արարատ-Արմենիան» երկու անգամ դարձել է Հայաստանի չեմպիոն, մեկ անգամ նվաճել է Հայաստանի գավաթը և երկու անգամ՝ սուպերգավաթը։

Ակումբի պաշտոնական հայտարարության մեջ ասվում է․

«Վարդան Մինասյանն իր մարզչական շտաբի՝ Արտակ Օսեյանի, Արթուր Մկրտչյանի և Դենիս Զմեուի հետ միասին ավարտում են իրենց առաքելությունը «Արարատ-Արմենիայում»։ Նրանց ղեկավարությամբ մեր ակումբը հասավ աննախադեպ բարձունքների...

Բայց թվերը չեն արտահայտում ամբողջ պատկերը։

Նրանք մեր պատմության անբաժան մասն են և միշտ կմնան «Արարատ-Արմենիայի» մի մասը՝ անկախ այն ուղիներից, որոնք կբացվեն նրանց առաջ։

Շնորհակալ ենք ձեր նվիրվածության, պրոֆեսիոնալիզմի և մարդասիրության համար։

Ձեր թողած ժառանգությունը կմնա մեր ակումբի պատմության մեջ՝ որպես ոգեշնչման աղբյուր ապագա սերունդների համար։

Ցանկանում ենք նոր հաղթանակներ ու վստահ ենք՝ ձեր ուղին լի է լինելու նոր բարձունքներով»։

Վարդան Մինասյանի փոխարինողի անունը դեռ չի հայտարարվել։