Վարազդատ Հարոյանը համեմատել է Հայաստանի և Ղազախստանի առաջնությունները
Հայաստանի ազգային հավաքականի և Երևանի «Փյունիկի» ավագ Վարազդատ Հարոյանը FastSports հեռուստաալիքին տված հարցազրույցում իր կարծիքն է հայտնել Հայաստանի և Ղազախստանի առաջնությունների տարբերությունների մասին։
Կարիերայի ընթացքում Հարոյանը երկու անգամ հանդես է եկել Ղազախստանի Պրեմիեր լիգայում՝ «Աստանայի» կազմում՝ 2021 և 2023 թվականներին։
«Ղազախստանում, որտեղ խաղացել եմ մոտ մեկուկես տարի, իսկապես կային բարձր մակարդակի լավ լեգեոնականներ։ Դա, հավանաբար, կապված է բարձր աշխատավարձերի հետ,— նշել է Հարոյանը։ — Երբ ես այնտեղ էի, ֆինանսական խնդիրներ չկային։ Լավ լեգեոնականները բարձր աշխատավարձ են պահանջում՝ դա նորմալ է, և Ղազախստանում այդ գումարները վճարում էին։
Հայաստանում նույնպես կան լավ լեգեոնականներ, բայց նրանք շատ ավելի քիչ են, ինչի պատճառով տուժում է առաջնության ընդհանուր մակարդակը։ Պետք է բարձրացնել լեգեոնականների որակը, որպեսզի հայ երիտասարդ ֆուտբոլիստները սովորեն լավագույններից, խաղան նրանց հետ», — ավելացրել է «Փյունիկի» ավագը։
Հարոյանը վերադարձել է հարազատ «Փյունիկ» ակումբ 2025 թվականին և դարձել թիմի ավագ։
Քննարկեք նորությունները!
Անցնել մեկնաբանություններին ↓
Comments
0