Վահան Բիչախչյանը մասնակցել է «Ռադոմյակի» դեմ ոչ-ոքի ավարտված խաղին

Վարշավայի «Լեգիան» Էքստրակլասայի 25-րդ տուրի խաղում արտագնա հանդիպմանը ոչ-ոքի խաղաց «Ռադոմյակի» հետ՝ 1:1։ Այս արդյունքը թույլ տվեց Լեհաստանի ամենատիտղոսակիր ակումբին ժամանակավորապես դուրս գալ վտանգավոր գոտուց․ թիմը 29 միավորով զբաղեցնում է 14-րդ հորիզոնականը։

Այս խաղում Հայաստանի ազգային հավաքականի կիսապաշտպան Վահան Բիչախչյանը հանդես եկավ մեկնարկային կազմում և խաղադաշտում անցկացրեց 74 րոպե։

Բիչախչյանի վիճակագրությունը խաղում

• Խաղացած րոպեներ — 74

• Հարվածներ — 1

• Ճշգրիտ փոխանցումներ — 13 (76%)

• Գնդակի կորուստներ — 8

• Գնդակի առաջխաղացում — 8

• Խլումներ — 1

• Գնդակի ներմուծումներ — 1

• Գնդակի վերադարձներ — 1

• SofaScore գնահատական — 6.7

Հաջորդ տուրում «Լեգիան» մարտի 22-ին կհանդիպի «Ռակուվի» հետ։ Դրանից հետո Բիչախչյանը կմիանա Հայաստանի ազգային հավաքականին՝ մասնակցելու ԱՄԷ-ի (մարտի 26) և Բելառուսի (մարտի 29) դեմ նախատեսված ընկերական հանդիպումներին։