Վահագն Մինասյանը միացել է Հայաստանի ազգային հավաքականի մարզչական շտաբին

Հայաստանի Մ19 երիտասարդական հավաքականի նախկին գլխավոր մարզիչ Վահագն Մինասյանը նշանակվել է ազգային թիմի գլխավոր մարզիչ Ջոն վան՛տ Սխիպի օգնական:

Իբրեւ խաղացող՝ Մինասյանը անցկացրել է 13 խաղ Հայաստանի հավաքականի կազմում եւ խփել 1 գոլ: 2024 թվականին 40-ամյա մասնագետը գլխավորել էր Մ19 թիմը, որի հետ անցկացրել է 5 հանդիպում (3 պարտություն, 1 ոչ ոք եւ 1 հաղթանակ): Մինչ այդ նա եղել է Երևանի ԲԿՄԱ ակումբի գլխավոր մարզիչը:

Ներկայումս Հայաստանի հավաքականը ուսումնամարզական հավաք է անցկացնում Երևանում՝ նախապատրաստվելով Կոսովոյի (հունիսի 6) եւ Չեռնոգորիայի (հունիսի 9) հետ ընկերական խաղերին:

Հիշեցնենք, որ Հայաստանի Մ19 հավաքականի նոր գլխավոր մարզիչն է դարձել Միշա Ջորքաեֆը: