«Knockout Yerevan» բռնցքամարտի երեկո Երևանում

Հոկտեմբերի 11-ին Հայաստանի մայրաքաղաք Երևանում կայացավ մասշտաբային բռնցքամարտի երեկո՝ Knockout Yerevan, որը կազմակերպվել էր Հայաստանի բռնցքամարտի ֆեդերացիայի և Armenian Professional Boxing Council-ի աջակցությամբ։ Մրցաշարի շրջանակում Հայաստանի հավաքականի մարզիկներ Անի Հովսեփյանը, Զավեն Գալստյանը և Ամբարձում Հակոբյանը իրենց առաջին պրոֆեսիոնալ մենամարտերում հանդես եկան վստահ հաղթանակներով։

Երեկոյի գլխավոր մենամարտում հանդիպեցին Արամ Ավագյանը (12-1-3) և Ուզբեկստանը ներկայացնող բռնցքամարտիկ Նոբիրբեկ Սոյիբովը (10-2)։ Հայ բռնցքամարտիկը հաղթեց միաձայն դատավորների որոշմամբ՝ 10 ռաունդից հետո՝ 98-88, 99-89, 98-88 հաշիվներով։

Երեկոյի մյուս արդյունքները՝

• Ռուսլան Սելիմյան (12-0)՝ հաղթեց Մամեդ Յադգարովին (19-7-1) տեխնիկական նոկաուտով երկրորդ ռաունդում։

• Վլադիսլավ Այրյան (11-0)՝ հաղթեց Ակժոլ Սուլայմանբեկ Ուուլուին (16-4) տեխնիկական նոկաուտով երկրորդ ռաունդում։

• Անի Հովսեփյան (1-0)՝ վստահ հաղթանակ Կսենիա Մեդիչի (4-38-3) նկատմամբ՝ միաձայն որոշմամբ՝ 60-54, 60-54, 60-54։

• Հայկ Ալաբերքյան (1-0)՝ հաղթեց հայրենակից Սուրեն Խաչատրյանին (0-5)՝ միաձայն որոշմամբ՝ 58-53, 59-54, 58-54։

• Տարոն Օհաննիսյան (6-2)՝ նոկաուտի ենթարկեց Ասլամ Մագոմեդովին (8-9-1) երկրորդ ռաունդում։

• Զավեն Գալստյան (1-0)՝ արագ հաղթանակ տարավ Բակար Գելենիձեի (7-24-1) նկատմամբ՝ նոկաուտ առաջին ռաունդում։

• Էրիկ Էվոյան (1-0)՝ հաղթեց Վոլոդիա Գևորգյանին (0-1)՝ մեծամասնության որոշմամբ՝ 38-38, 39-37, 39-37։

• Էրիկ Խաչատրյան (5-0)՝ նոկաուտի ենթարկեց Բետո Բերկացաշվիլին (12-22) առաջին ռաունդում։

• Համբարձում Հակոբյան (1-0)՝ հաջող դեբյուտ ունեցավ՝ նոկաուտի ենթարկելով Տրիստան Խիզանիշվիլիին (3-17-6) առաջին ռաունդում։

Knockout Yerevan բռնցքամարտի երեկոն դարձավ կարևոր իրադարձություն հայկական բռնցքամարտի համար՝ հաստատելով տեղացի մարզիկների բարձր պատրաստվածության մակարդակը և բացահայտելով նոր անուններ պրոֆեսիոնալ ասպարեզում։