«Փյունիկի» և «Արարատ-Արմենիայի» ծանր մեկնարկը Պրեմիեր լիգայում եվրագավաթներից հետո
- Հեղինակ: Vahe Hakobyan
- Sportaran
Եվրագավաթներում ծանր մրցամարտերից հետո «Փյունիկն» ու «Արարատ-Արմենիան» մեծ դժվարությամբ մեկնարկեցին Հայաստանի Պրեմիեր լիգայի նոր մրցաշրջանում։ Երկու ակումբներն էլ ռոտացիա իրականացրին, հնարավորություն տալով հիմնական խաղացողներին հանգստանալու։
«Փյունիկը» կարողացավ հաղթանակ կորզել «Ալաշկերտի» դեմ խաղում՝ առաջին կեսից հետո զիջելով 0։1 հաշվով։ Հանդիպման հերոս դարձավ Դանիլ Կուլիկովը, ով խփեց հաղթական գնդակը, իսկ մինչ այդ Եղիշե Մելիքյանի թիմը հավասարեցրեց հաշիվը մրցակցի ինքնագոլի շնորհիվ։ «Ալաշկերտի» կազմում միակ գնդակը խփեց Ժյուլիեն Բատիոնոն։ «Փյունիկի» երկու գոլերում էլ մասնակցեց Ժոել Բոպեսուն, ով եվրագավաթային խաղում դուրս չէր եկել մարզչի որոշմամբ։
«Արարատ-Արմենիան» չկարողացավ իրացնել խաղային առավելությունը և Չարենցավանում 0։0 հաշվով ոչ-ոքի խաղաց «Վանի» հետ։ Չնայած ճնշմանը՝ թիմը չկարողացավ ճեղքել մրցակցի պաշտպանությունը։
«Արարատ-Արմենիան» հաջորդ հանդիպումը կանցկացնի օգոստոսի 7-ին՝ Կոնֆերենցիաների լիգայի երկրորդ որակավորման փուլի շրջանակում Չեխիայի «Սպարտայի» դեմ։
Նաև կարդացեք․
Քննարկեք նորությունները!
Անցնել մեկնաբանություններին ↓
Comments
0