RAF 06 ազատ ոճի ըմբշամարտի մրցաշար․ ինչպես դիտել առցանց և ամբողջական քարտը

Փետրվարի 28-ի լույս մարտի 1-ի գիշերը ԱՄՆ Արիզոնա նահանգի Տեմպե քաղաքում կկայանա RAF 06 ազատ ոճի ըմբշամարտի մրցաշարը, որը մեկ գորգի վրա կհավաքի ՄՄԱ-ի հայտնի ներկայացուցիչների և համաշխարհային մակարդակի տիտղոսակիր ըմբիշների։

Համագլխավոր մենամարտում UFC-ի հայ մարտիկ Արման Ծառուկյանը կմրցի պրոֆեսիոնալ ըմբիշ Ջորջիո Պուլլասի հետ։ Երկու մարզիկների համար էլ սա կլինի երկրորդ մենամարտը Real American Freestyle լիգայում․ հունվարի 10-ին Ֆլորիդայում կայացած RAF 05 մրցաշարում Ծառուկյանը 10:0 հաշվով ջախջախիչ հաղթանակ տարավ ՄՄԱ մարտիկ Լենս Փալմերի նկատմամբ, իսկ Պուլլասը նույն մրցաշարում հաղթեց Քիլոն Ջեմիսոնին։

Երեկոյի գլխավոր իրադարձությունը կլինի UFC-ի նախկին աստղեր Հենրի Սեհուդոյի և Յուրայա Ֆեյբերի դիմակայությունը։

Բացի այդ, մրցաշարում հանդես կգան հայտնի ՄՄԱ մարտիկներ Ալջամեյն Սթերլինգը, Բենսոն Հենդերսոնը և Քլեյ Գուիդան, ինչպես նաև միջազգային բարձր մակարդակի ըմբիշներ՝ Մագոմեդխաբիբ Կադիմագոմեդովը, Գիվի Մաչարաշվիլին, Թայմուրազ Սալկազանովը, Զահիդ Վալենսիան և այլք։

Որտե՞ղ դիտել RAF 06-ը

Մրցաշարի պաշտոնական հեռարձակումը հասանելի կլինի Fox Nation հարթակում։
Շոուի սկիզբը՝ տեղական ժամանակով 21:00-ին (Երևանի ժամանակով՝ 05:00, Մոսկվայի ժամանակով՝ 04:00)։

Հեռարձակման այլընտրանքային հղումները կհրապարակվեն մեր Telegram ալիքում մրցաշարի մեկնարկից մեկ ժամ առաջ։

RAF 06 ամբողջական քարտը

• Հենրի Սեհուդո — Յուրայա Ֆեյբեր

• Արման Ծառուկյան — Ջորջիո Պուլլաս

• Դևիդ Քար — Բուբբա Ջենկինս

• Սթեֆան Բյուքենեն — Գիվի Մաչարաշվիլի

• Յամի Գուզման — Էվերեստ Լեյդեկեր

• Թայմուրազ Սալկազանով — Կիգան Օ'Թուլ

• Մագոմեդխաբիբ Կադիմագոմեդով — Էվան Ուիք

• Զահիդ Վալենսիա — Մահմուդ Ֆավզի Սեբի

• Ջորդան Օլիվեր — Բո Բարթլեթ

• Քլեյ Գուիդա — Քիլոն Ջեմիսոն

• Ալջամեյն Սթերլինգ — Բենսոն Հենդերսոն

• Էնդրյու Ալվարես — Բրայս Մերեդիթ

Կարևոր․ Մոկաև — Մերեդիթ մենամարտը չեղարկվել է։