Սերբիայում ողբերգություն․ «Ռադնիչկի-1923»-ի գլխավոր մարզիչ Մլադեն Ժիժովիչը մահացել է հանդիպման ընթացքում (ՎԻԴԵՈ)
- Հեղինակ: Vahe Hakobyan
- Sportaran
Սերբիայի առաջնության խաղի ընթացքում տեղի է ունեցել ողբերգական դեպք․ Կրագույևացի «Ռադնիչկի-1923» ակումբի գլխավոր մարզիչ, սերբ մասնագետ Մլադեն Ժիժովիչը մահացել է խաղադաշտում։ Նա ընդամենը 44 տարեկան էր։
Միջադեպը տեղի է ունեցել Սուպերլիգայի 14-րդ տուրի՝ Լուչանիի «Մլադոստի» դեմ խաղի ընթացքում։ Առաջին խաղակեսի 22-րդ րոպեին Ժիժովիչը հանկարծակի կորցրել է գիտակցությունը դաշտի եզրին։ Բժշկական անձնակազմը անմիջապես միջամտել է և նրան տեղափոխել հիվանդանոց, սակայն բժիշկների բոլոր ջանքերը ապարդյուն են եղել․ մոտ 20 րոպե անց հաղորդվել է մարզիչի մահվան մասին։
Տխուր լուրն իմանալուց հետո մրցավար Յովան Շեգրտը որոշել է վաղաժամ դադարեցնել հանդիպումը։ Երկու թիմերի ֆուտբոլիստները, ցնցված տեղի ունեցածից, նստել են խոտածածկին՝ շատերը չկարողանալով զսպել արցունքները։
Սա Ժիժովիչի ընդամենը երրորդ խաղն էր «Ռադնիչկի»-ի գլխավոր մարզիչի պաշտոնում։ Նա նախկինում հանդես է եկել Բոսնիայի և Հերցեգովինայի հավաքականում և վերջին տարիներին հաջողությամբ աշխատել է մարզիչի պաշտոնում իր հայրենիքում։
ՎԻԴԵՈ՝
Քննարկեք նորությունները!
Անցնել մեկնաբանություններին ↓
Comments
0