Մեկնարկել է համահայկական կրակի էստաֆետը

Նորավանքում վառվեց 2025 թ. Ձմեռային Համահայկական խաղերի կրակը։ Էստաֆետը դեպի Ջերմուկ սկսեցին մարմնամարզիկներ Արթուր Դավթյանը և Վահագն Դավթյանը, ինչպես նաև ծանրորդուհիներ Էմմա Պողոսյանը և Ալեքսանդրա Գրիգորյանը։

Երկրորդ Ձմեռային Համահայկական խաղերը կանցկացվեն փետրվարի 1-ից 7-ը Ջերմուկում։

Խաղերի ընթացքում կանցկացվեն մրցումներ յոթ մարզաձևերով՝ հոկեյ, դահուկավազք, լեռնադահուկային սպորտ, սնոուբորդ, յուկիգասեն (ձնագնդի), շախմատ և սպորտային պարեր։