Սկսվեց Հայաստանի Պրեմիեր լիգայի 7-րդ տուրը․ «Վանի» հաղթանակը և «Ուրարտուի» ջախջախիչ խաղը
- Հեղինակ: Vahe Hakobyan
- Sportaran
Fastex Պրեմիեր լիգայի յոթերորդ տուրը մեկնարկեց գոլառատ հանդիպումներով՝ պարգևելով երկրպագուներին անզուգական ֆուտբոլային պահեր։ Տուրի երկու հանդիպումները կայացան սեպտեմբերի 19-ին՝ ուրբաթ օրը։
Չարենցավանում տեղի ունեցած խաղում տեղական «Վանը» ծանր պայքարում 3:2 հաշվով հաղթեց գյումրիի «Շիրակին»։ Տանտերերը հաշիվը բացեցին արդեն 13-րդ րոպեին՝ շնորհիվ Արթուր Դանիելյանի հարվածին, որը գոլի փոխանցում ստացավ «Սոչիից» տեղափոխված նորեկ Դավիթ Կիրակոսյանից։ Սակայն առաջին կեսի վերջում «Շիրակը» պատասխանեց․ Մհեր Տարլոյանը և Ռաֆիկ Միսաքյանը (պենալտիից) առաջ մղեցին հյուրերին։ Երկրորդ կեսում «Վանը» կարողացավ կոտրել խաղի ընթացքը․ գոլերով աչքի ընկան Սաբա Սիդամոնիձեն և Էրիկի Դանիելը՝ ապահովելով երեք միավոր։ Այս հաղթանակից հետո «Վանը» 8 միավորով բարձրացավ հինգերորդ հորիզոնական, մինչդեռ «Շիրակը» 5 միավորով մնում է իններորդ տեղում։
Ավելի տպավորիչ էր Երևանի հանդիպումը, որտեղ Ռոբերտ Արզումանյանի ղեկավարած «Ուրարտուն» 6:0 հաշվով ջախջախեց «Արարատին»։ Հանդիպման գլխավոր հերոս դարձավ բրազիլացի հարձակվող Բրունո Միշելը, որը գրանցեց պոկեր։ Մի անգամ էլ գոլ խփեցին Արտյոմ Գունկոն և Նիկոլաս Կալուկյանը։ Այս հաղթանակից հետո «Ուրարտուն» 13 միավորով դարձավ միանձնյա առաջատար, մինչդեռ «Արարատը» ունի ընդամենը մեկ միավոր և փակել է մրցաշարային աղյուսակը։
Բրունո Միշելը այս պոկերի շնորհիվ դարձավ միանձնյա լավագույն ռմբարկուն՝ 7 խաղում խփելով 7 գոլ։
Պրեմիեր լիգայի աղյուսակը խաղերից հետո․
Քննարկեք նորությունները!
Անցնել մեկնաբանություններին ↓
Comments
0