Սպերցյանն ու Գրիգորյանը չեն խաղա Բելառուսի դեմ. հայտնի է վերջնական հայտը

Հայաստանի ֆուտբոլի ֆեդերացիան հրապարակել է այն ֆուտբոլիստների վերջնական ցուցակը, ովքեր ընդգրկվել են Հայաստանի ազգային հավաքականի հայտում Բելառուսի դեմ խաղի համար։

Ընկերական հանդիպումը Հայաստան — Բելառուս կկայանա այսօր՝ մարտի 29-ին, Երևանի ժամանակով ժամը 18:00-ին։

Ավելի վաղ հաղորդվում էր, որ Էդուարդ Սպերցյանն ունի վնասվածք և պատրաստվում էր խաղին անհատական ծրագրով։ Արդյունքում որոշում է կայացվել չվտանգել թիմի ավագի առողջությունը ընկերական խաղում։ Նարեկ Գրիգորյանի բացակայության պատճառները դեռևս անհայտ են։

Արդյունքում Հայաստանի հավաքականը կունենա բավական երիտասարդ կազմ։ Ուգոչուկվու Իվուի, Էդուարդ Սպերցյանի, Կարեն Մուրադյանի և Հովհաննես Հարությունյանի բացակայության պայմաններում կիսապաշտպանությունում հանդես կգան Հայաստանի երիտասարդական հավաքականի ֆուտբոլիստներ՝ 19-ամյա Արթուր Ասկարյանը և 20-ամյա Կառլեն Հովհաննիսյանը, ինչպես նաև ավելի փորձառու 23-ամյա Տիգրան Ավանեսյանը և Կարեն Նալբանդյանը։

Հայաստանի հավաքականի հայտ