Կայացավ Չեմպիոնների լիգայի 1/8 եզրափակչի վիճակահանությունը․ որոշվեց թիմերի ճանապարհը դեպի եզրափակիչ
- Հեղինակ: Vahe Hakobyan
- Sportaran
Փետրվարի 27-ին Նիոնում (Շվեյցարիա) անցկացվեց ՈւԵՖԱ-ի Չեմպիոնների լիգայի 1/8 եզրափակչի վիճակահանությունը, որի արդյունքում հայտնի դարձան փլեյ-օֆֆի զույգերը և մրցաշարի հնարավոր ցանցը մինչև եզրափակիչ։
Յուրաքանչյուր թիմ ուներ երկու հնարավոր մրցակից՝ ելնելով լիգայի փուլի զբաղեցրած տեղից։ Փլեյ-օֆֆի անցումային փուլում հանդես եկած ակումբները մրցելու են այն թիմերի հետ, որոնք անմիջապես դուրս էին եկել 1/8 եզրափակիչ՝ զբաղեցնելով լիգայի փուլի լավագույն ութնյակի տեղերը։
Չեմպիոնների լիգայի 1/8 եզրափակչի վիճակահանության արդյունքները․
Ռեալ — Մանչեսթեր Սիթի
Բուդյո/Գլիմտ — Սպորտինգ
ՊՍԺ — Չելսի
Նյուքասլ — Բարսելոնա
Գալաթասարայ — Լիվերպուլ
Ատալանտա — Բավարիա
Աթլետիկո — Տոտենհեմ
Բայեր — Արսենալ
1/8 եզրափակչի առաջին հանդիպումները կկայանան մարտի 10/11-ին, պատասխան հանդիպումները՝ մարտի 17/18-ին։
Արարողության ընթացքում որոշվեց նաև մրցաշարի հետագա ցանցը՝ քառորդ եզրափակչի և կիսաեզրափակչի հնարավոր զույգերը։ Այսպիսով, ակումբներն արդեն գիտեն իրենց հավանական մրցակիցներին հաջորդ փուլերում՝ 1/4 եզրափակիչ դուրս գալու դեպքում։
Քառորդ եզրափակչի հնարավոր զույգերը՝
ՊՍԺ / Չելսի — Գալաթասարայ / Լիվերպուլ
Ռեալ / Մանչեսթեր Սիթի — Ատալանտա / Բավարիա
Նյուքասլ / Բարսելոնա — Աթլետիկո / Տոտենհեմ
Բուդյո/Գլիմտ / Սպորտինգ — Բայեր / Արսենալ
2025/26 մրցաշրջանի Չեմպիոնների լիգայի եզրափակիչը կկայանա մայիսի 30-ին Բուդապեշտում։
Չեմպիոնների լիգան մտնում է վճռորոշ փուլ, որտեղ յուրաքանչյուր սխալ կարող է ճակատագրական լինել, իսկ Եվրոպայի գլխավոր ակումբային գավաթի համար պայքարը՝ առավելագույնս լարված։
Քննարկեք նորությունները!
Անցնել մեկնաբանություններին ↓
Comments
17