37 տարեկանում մահացել է «Շիրակի» նախկին հարձակվող Լի Յամին Յորոն
- Հեղինակ: Vahe Hakobyan
- Sportaran
37 տարեկանում հիվանդության պատճառով կյանքին հրաժեշտ է տվել «Շիրակի» նախկին ֆուտբոլիստ, սենեգալացի հարձակվող Լի Յամին Յորոն։
Յորոն Գյումրիի թիմում հանդես է եկել 2011-ից 2014 թվականներին՝ դառնալով ակումբի առաջատարներից մեկը։ «Շիրակի» կազմում նա նվաճել է Հայաստանի չեմպիոնի տիտղոսը, ինչպես նաև դարձել է երկրի գավաթակիր։ Սենեգալացի հարձակվողը գյումրեցի թիմի կազմում անցկացրել է 82 հանդիպում՝ խփելով 24 գոլ և համարվելով Հայաստանի առաջնության լավագույն լեգիոններից մեկը։
2014-ին «Շիրակից» հեռանալուց հետո Յորոն կարիերան շարունակեց Իսրայելում, Պորտուգալիայում, Լատվիայում և Ֆինլանդիայում։ 2018 թվականին նա վերադարձավ Գյումրի և կրկին միացավ «Շիրակին», որտեղ էլ ավարտեց իր պրոֆեսիոնալ կարիերան։
Լի Յամին Յորոյի հիշատակը կմնա հայ երկրպագուների և նրան ճանաչողների սրտերում՝ որպես տաղանդավոր ֆուտբոլիստ և արժանավոր մարզիկ։
Քննարկեք նորությունները!
Անցնել մեկնաբանություններին ↓
Comments
0