Սկանդալ «Strandja» գավաթում․ Մանասյանը պարտվեց ակնհայտ առավելության պայմաններում

Հայ բռնցքամարտիկ Նարեկ Մանասյանը (90 կգ) «Strandja» գավաթ 2026 մրցաշարի իր առաջին մենամարտում Սոֆիայում պարտվեց Բուլղարիայի ներկայացուցիչ Ռոսելին Բաչևսկուն մրցավարների բաժանված որոշմամբ՝ 2:3։

Երեք ռաունդների ավարտից հետո մրցավարների կարծիքները կտրուկ տարբերվեցին։ Բրազիլիայից և Ղազախստանից երկու մրցավարներ հաշիվը սահմանեցին 30:26՝ հօգուտ Մանասյանի, ինչը պրոֆեսիոնալ գնահատմամբ գրեթե միակողմանի առավելություն է նշանակում։ Սակայն մյուս երեք մրցավարները՝ Սերբիայից, Ուկրաինայից և Ուելսից, հաղթանակը տվեցին տեղացի մարզիկին՝ 29:28 հաշվով։

Մենամարտը ուղեկցվում էր բուլղարացի բռնցքամարտիկի կողմից բազմաթիվ կլինչերով։ Բաչևսկին հաճախ խուսափում էր ակտիվ հարվածների փոխանակումից, ինչի համար մրցավարը նրանից հանեց մեկ միավոր։ Այնուամենայնիվ, նույնիսկ տուգանային միավորի պայմաններում երեք մրցավարների քարտերում նա առաջ էր՝ 29:28 հաշվով։ 28:28 հավասար հաշվի դեպքում՝ հաշվի առնելով հանված միավորը, հաղթանակը միևնույն է շնորհվում էր այն բռնցքամարտիկին, ումից հանվել էր այդ միավորը։

Որոշումը հարցեր առաջացրեց՝ հաշվի առնելով մրցավարական գնահատականների տարբերությունը և մենամարտի բնույթը։

Այլ արդյունքներ հայ բռնցքամարտիկների

Մրցաշարի առաջին օրը ռինգ բարձրացան ևս երկու Հայաստանի ներկայացուցիչներ, և երկուսն էլ հաղթանակ տարան։

Ռուդոլֆ Գարբոյանը (50 կգ) մրցավարների միաձայն որոշմամբ հաղթեց Ռասուլ Արսլանովին (Թուրքմենստան) և դուրս եկավ քառորդ եզրափակիչ։ Նրա հաջորդ մրցակիցը կլինի Բիլալխաբաշի Նազարովը (Ադրբեջան)։

Հարություն Հակոբկոխյանը (70 կգ) մրցավարների բաժանված որոշմամբ հաղթեց Կելվին Սոկեսսին (Չեխիա) և անցավ 1/8 եզրափակիչ։ Հաջորդ մենամարտում նա կմրցի Լավանտ Բրաունլիի (ԱՄՆ) հետ։

Երեկոյան սեսիայում հանդես կգան ևս երկու հայ մարզիկներ․

60 կգ՝ Արթուր Բազեյան (Հայաստան) — Ադամ Հեսիոն (Իսրայել)
75 կգ՝ Մարատ Միքայելյան (Հայաստան) — Ստելիյան Ստրահիլով (Բուլղարիա)

«Strandja» գավաթը ավանդաբար համարվում է սիրողական բռնցքամարտի ամենահեղինակավոր միջազգային մրցաշարերից մեկը, և այս տարվա մեկնարկն արդեն նշանավորվել է աղմկահարույց ու հակասական որոշումներով։