Սեադ Իսլամովիչը՝ «Փյունիկի» առաջին նորեկը ամառային տրանսֆերային պատուհանի ընթացքում

Հայաստանի ֆուտբոլային ակումբ «Փյունիկը» ամառային տրանսֆերային պատուհանի ընթացքում ձևակերպել է իր առաջին ձեռքբերումը. թիմին միացել է սերբական «Նովի Պազարի» կիսապաշտպան Սեադ Իսլամովիչը։ Սերբ ֆուտբոլիստը Երևանի թիմ կտեղափոխվի որպես ազատ գործակալ։

25-ամյա կիսապաշտպանը Երևանի ակումբի հետ ստորագրել է երկամյա պայմանագիր՝ տարեկան 240 հազար եվրո աշխատավարձով (Indeksonline.rs): Indeksonline.rs-ի տվյալներով՝ սա նրա կարիերայի ամենաշահավետ պայմանագիրն է։ Նույնիսկ բելառուսական ԲԱՏԷ-ում, որտեղից նա անցած ամառ տեղափոխվեց «Նովի Պազար», Իսլամովիչն այդքան բարձր պայմաններ չուներ։

Անցած մրցաշրջանում Իսլամովիչը դարձավ «Նովի Պազարի» հիմնական խաղացողներից մեկը՝ հատկապես աչքի ընկնելով հարձակման գծում վետերան Ադեմ Լյայիչի հետ համագործակցությամբ։ Նրա խփած գոլերը փլեյ-օֆֆի խաղերում «Ռադնիչկիի» (Կրագուևաց) և ՕՖԿ «Բելգրադի» դեմ օգնել են թիմին հասնել պատմական արդյունքի և դուրս գալ եվրագավաթներ։

«Նովի Պազարը» Սերբիայի առաջնությունում զբաղեցրել է երրորդ տեղը և կմասնակցի Կոնֆերենցիայի լիգային։

Իսկ «Փյունիկը» Հայաստանի առաջնությունում զբաղեցրել է չորրորդ հորիզոնականը և նույնպես կմասնակցի 2025/26 թթ. Կոնֆերենցիայի լիգային՝ սկսելով առաջին որակավորման փուլից։

Իսլամովիչը անցած մրցաշրջանում մասնակցել է 31 խաղի, խփել 3 գոլ և կատարել 4 գոլային փոխանցում։ Transfermarkt-ը նրա տրանսֆերային արժեքը գնահատում է 350 հազար եվրո։

Հիշեցնենք, որ մրցաշրջանի ավարտից հետո «Փյունիկը» լքել է 6 ֆուտբոլիստ։