Հայաստանի Մ20 հավաքականը պարտվեց Ռուսաստանին բարեկամական խաղում
- Հեղինակ: Vahe Hakobyan
- Sportaran
Երեւանում հուլիսի 11-ից 20-ը կայանալիք Մ20 Եվրոպայի բասկետբոլի առաջնությանը (B դիվիզիոն) նախապատրաստության շրջանակում Հայաստանի երիտասարդական հավաքականը բարեկամական հանդիպում անցկացրեց Ռուսաստանի թիմի հետ։
Լարված և հավասար պայքարում Հայաստանի հավաքականը զիջեց 82:90 հաշվով, սակայն խաղը լավ հնարավորություն էր ուժերը փորձարկելու առաջիկա մրցաշարի նախաշեմին։
Հայաստանի թիմում լավագույնը դարձավ Դանիել Քիրակոսյանը, ով փայլուն հանդիպում անցկացրեց՝ վաստակելով 32 միավոր, կատարելով 3 վերցնում և 5 արդյունավետ փոխանցում՝ ցուցադրելով բարձր արդյունավետություն և առաջնորդի հատկություններ։
Չնայած պարտությանը, խաղը դարձավ կարևոր փուլ հավաքականի նախապատրաստման համար՝ առաջիկա Եվրոպայի առաջնությունից առաջ։ Թիմը շարունակում է մարզավիճակի բարելավումը՝ սպասելով տնային առաջնությանը։
Եվրոպայի Մ20 առաջնությունը (B դիվիզիոն) կանցկացվի Երևանում՝ հուլիսի 11-ից 20-ը։
Քննարկեք նորությունները!
Անցնել մեկնաբանություններին ↓
Comments
0