Հայաստանի հավաքականը հրապարակել է կազմը Եվրոբասկետ-2029-ի նախընտրական փուլի Բուլղարիայի դեմ խաղի համար
- Հեղինակ: Vahe Hakobyan
- Sportaran
Հայաստանի բասկետբոլի ազգային հավաքականի մարզչական շտաբը հրապարակել է թիմի ընդլայնված կազմը Եվրոբասկետ-2029-ի նախընտրական փուլի Բուլղարիայի հավաքականի դեմ հանդիպման համար։ Խաղը կկայանա մարտի 2-ին Երևանում՝ ՄԻԿԱ մարզահամալիրում։
Ազգային թիմը, սերբ մասնագետ Բոգդան Կարաչիչի գլխավորությամբ, սկսել է պատրաստվել կարևորագույն հանդիպմանը, որը կանցկացվի սեփական երկրպագուների աջակցությամբ։
Հայաստանի հավաքականի կազմը․
Ալբերտ Թադևոսյան — «Էրեբունի»
Յուրա Մելիքյան — Starwings Basel (Շվեյցարիա)
Վալերի Աղաջանյան — GAK Gdynia (Լեհաստան)
Դանիիլ Կիրակոսյան — «Ուրարտու»
Արկադի Մկրտչյան — «Ուրարտու»
Դանիիլ Գևորգյան — «Ուրարտու»
Տիգրան Մկրտումյան — ԲԿՄԱ
Կարեն Մելիքյան — «Ուրարտու»
Դավիթ Խաչատրյան — «Հատիս»
Քսավյե Քիլիսլյան — Hodan Prep (Կանադա)
Դարիուս ՄակԳի — Bourges (Ֆրանսիա)
Դանիել Սանամյան — «Խիմկի» (Ռուսաստան)
Մարատ Միքայելյան — ԲԿՄԱ
Արայիկ Գևորգյան — «Ուրարտու»
Արթուր Ավագյան — «Օլիմպավան»
Ներսես Ավագյան — «Հատիս»
Թիմի նատուրալիզացված խաղացողը կլինի խաղարկող Դարիուս ՄակԳին, ով հանդես է գալիս Ֆրանսիայի բարձրագույն լիգայի Bourges ակումբում։ Գլխավոր մարզչի օգնականն է հույն մասնագետ Կոստաս Պապավասիլեուն։
Առաջիկա խաղում թիմին չեն օգնի ավագ Անդրե Սփայթ-Մկրտչյանը և Արտյոմ Տավակալյանը․ երկուսն էլ վնասվածք ունեն։
Հիշեցնենք, որ առաջին խաղում Հայաստանը հյուրընկալվելիս պարտվել էր Բուլղարիային։ Այդ հանդիպմանը նատուրալիզացված խաղացողը Կրիստիան Վիտալն էր Իտալիայի առաջնությունից, ով վաստակել էր 27 միավոր։
Հավաքականը նախապատրաստական հավաքը կսկսի փետրվարի 26-ին։ Բուլղարիայի դեմ հանդիպումը կարող է վճռորոշ լինել Եվրոբասկետ-2029-ի որակավորման հաջորդ փուլ դուրս գալու պայքարում։
Տոմսերն արդեն վաճառվում են tomsarkgh կայքում։
Քննարկեք նորությունները!
Անցնել մեկնաբանություններին ↓
Comments
0