Ռեյտինգային մրցաշար ըմբշամարտում Ալբանիայում: Առաջին օրվա արդյունքները

Փետրվարի 26-ին Ալբանիայի մայրաքաղաք Տիրանայում տեղի ունեցավ 2025 թվականի Մուհամետ Մալոյի Ռեյտինգային մրցաշարի առաջին օրը: Մրցաշարի առաջին օրը որոշվեցին հաղթողներն ու մրցանակակիրները ազատ ոճի ըմբշամարտի վեց քաշային կարգերում՝ 57 կգ, 61 կգ, 65 կգ, 70 կգ, 74 կգ և 86 կգ:

Հայաստանի հավաքականի կազմում հանդես եկան երեք ըմբիշ, որոնցից մեկը դարձավ արծաթե մրցանակակիր:

Վազգեն Թևանյանը մինչև 70 կգ քաշային կարգում նվաճեց մրցաշարի արծաթե մեդալը, եզրափակչում պարտվելով ճապոնացի ըմբիշ Յոշինոսուկե Աոյագիին 1:4 հաշվով:

2025 թվականի Մուհամետ Մալոյի Ռեյտինգային մրցաշարի առաջին օրվա արդյունքները Հայաստանի հավաքականի համար.

ԱՐԾԱԹ՝ 70 կգ — Վազգեն Թևանյան:
Վազգեն Թևանյան (Հայաստան) — Միխայիլ Գեորգիև 4:0 (Բուլղարիա):
Վազգեն Թևանյան (Հայաստան) — Վասիլե Դյակոն 3:2 (Մոլդովա):
Վազգեն Թևանյան (Հայաստան) — Ակակի Կեմերթելիձե 6:0 (Վրաստան):
Վազգեն Թևանյան (Հայաստան) — Յոշինոսուկե Աոյագի 1:4 (Ճապոնիա):

8-րդ տեղ՝ 57 կգ — Մանվել Խնձրեցյան:
Մանվել Խնձրեցյան (Հայաստան) — Կենտո Յումիյա 14:11 (Ճապոնիա):
Մանվել Խնձրեցյան (Հայաստան) — Ալմազ Սմանբեկով (Ղրղզստան):

9-րդ տեղ՝ 74 կգ: Նարեկ Հարությունյան:
Նարեկ Հարությունյան (Հայաստան) — Մոհամմադ Մոտտագինիա 4:2 (Իսպանիա):
Նարեկ Հարությունյան (Հայաստան) — Չերմեն Վալիև 0:9 (Ալբանիա):
Նարեկ Հարությունյան (Հայաստան) — Օրոզբեկ Տոկտոմամբետով 1:4 (Ղրղզստան):

Վաղը Հայաստանի հավաքականի կազմում հանդես կգան Հայկ Պապիկյանը (79 կգ) և Գուրգեն Սիմոնյանը (97 կգ):

2025 թվականի Մուհամետ Մալոյի Ռեյտինգային մրցաշարի առաջին օրվա բոլոր արդյունքները.

Մինչև 57 կգ.

1. Ալի Մոմենի (Իրան):

2. Այաալ Բելոլյուբսկի (Տաջիկստան):

3. Վեյյու Լի (Չինաստան) և Ալմազ Սմանբեկով (Ղրղզստան):

Մինչև 61 կգ.

1. Տակարա Սուդա (Ճապոնիա):

2. Նաչին Մոնգուշ:

3. Արտեմ Գոբաև և Մուխամեդ Բալգաբայ (Ղազախստան):

Մինչև 65 կգ.

1. Ռահման Ամուզադհալիլի (Իրան):

2. Տայիրբեկ Ժումաշբեկ Ուուլու (Ղրղզստան):

3. Ռիլ Մարշալ Ռեյ Վուդս (ԱՄՆ) և Բիլոլ Շարիպ Ուուլու (Ղրղզստան):

Մինչև 70 կգ.

1. Յոշինոսուկե Աոյագի (Ճապոնիա):

2. Վազգեն Թևանյան (Հայաստան):

3. Ուիլյամ Լևան (ԱՄՆ) և Վասիլի Դյակոն (Մոլդովա):

Մինչև 74 կգ.

1. Չերմեն Վալիև (Ալբանիա):

2. Տայմուրազ Սալկազանով (Սլովակիա):

3. Մուրադ Կուրամագոմեդով (Հունգարիա) և Յոնես Էմամիչոհայ (Իրան):

Մինչև 86 կգ.

1. Չենդլեր Մարստելլեր (ԱՄՆ):

2. Բոլատ Սակաև (Ղազախստան):

3. Ռուստեմ Միրզագալիև (Ղազախստան) և Տարիել Գափրինդաշվիլի (Վրաստան):

Փետրվարի 27-ին կայանալու են մեդալների խաղարկությունները մինչև 79 կգ, 92 կգ, 97 կգ և 125 կգ քաշային կարգերում: