Ֆուտզալի Հայաստանի առաջնության տպավորիչ մեկնարկը

«Յունիսպորտի» և «Աթլետիկ Երևանի» ջախջախիչ հաղթանակները, ինչպես նաև «Երևանի» ընկերական հաղթանակը․ Հայաստանի ֆուտզալի առաջնության առաջին տուրի արդյունքները։

Հայաստանի ֆուտզալի նոր մրցաշրջանը մեկնարկեց վառ ու արդյունավետ խաղերով։

2025/26 մրցաշրջանի բացման հանդիպումը՝ «Յունիսպորտ» – «Վան», ավարտվեց պատմական հաշվով՝ 22:0։
Հայաստանի ազգային հավաքականի ֆուտզալիստները մեծ դեր ունեցան հաղթանակի ձևավորման մեջ․

Հարձակվող Պուտրուս Վասիլևը գրանցեց վեց գոլ,
Պաշտպան Համլետ Մանուկյանը՝ հեթ-տրիկ,
Սարգիս Մարգարյանը տվեց չորս գոլային փոխանցում,
Համալիր խաղացող Ռաֆիկ Մելիքյանը՝ մեկ գոլային փոխանցում,
Իսկ հավաքականի դարպասապահ Էմին Գարաբեկյանցը ոչ միայն պահպանեց իր դարպասը «չոր», այլ նաև ունեցավ մեկ ասիստ։

Չնայած «Աթլետիկ Երևանը» հյուրերում էր, այն վստահ հաղթանակ տարավ «Ալաշկերտի» նկատմամբ՝ 26:2 հաշվով։

«Երևան»-«Սիևնա» հանդիպումը հետաձգվել էր, սակայն երևանցիները պահպանեցին մրցակցային պատրաստվածությունը՝ անցկացնելով ընկերական հանդիպում Լիբանանի չեմպիոն «Բեյրութ Սթարզ»-ի դեմ։
«Երևանը» հաղթեց 3:2 հաշվով։ Հայաստանի հավաքականի 19-ամյա համալիր խաղացող Ագասի Եղիազարյանը խփեց գոլ և կատարեց գոլային փոխանցում։ Նույնպես աչքի ընկան պաշտպան Արթուր Պատատյանը (գոլ) և դարպասապահ Արթուր Մկրտչյանը, ով խաղաց ամբողջ հանդիպումը և գրանցեց ասիստ։

Նշենք, որ այս առաջնությունում «տնային» և «հյուրային» հանդիպումների նշանակությունը հարաբերական է․ բոլոր խաղերն անցկացվում են նույն դահլիճում։

Բացի այդ, վաղվանից Sportaran -ը սկսում է նոր շարքը՝ նվիրված Հայաստանի ֆուտզալի հավաքականի խաղացողներին։ ԵՎՐՈ-2026-ի նախաշեմին ընթերցողներին սպասվում են բացառիկ նյութեր և հարցազրույցներ ազգային թիմի ֆուտզալիստների հետ։