Փյունիկը ընկերական խաղում պարտվեց Ուրալին ԱՄԷ-ում

Երևանի «Փյունիկը» անցկացրեց երկրորդ ստուգողական հանդիպումը Արաբական Միացյալ Էմիրություններում ընթացող ուսումնամարզական հավաքի շրջանակում։ Հայկական թիմի մրցակիցը Ռուսաստանի Առաջին լիգան ներկայացնող Եկատերինբուրգի «Ուրալն» էր։ Հանդիպումն ավարտվեց «Փյունիկի» պարտությամբ՝ 2:3 հաշվով։

Արտակ Օսեյանի սաները հաջող սկսեցին խաղը և ընդմիջմանը մոտեցան՝ հաղթելով 1:0 հաշվով։ Սակայն երկրորդ խաղակեսում «Ուրալը» կարողացավ փոխել հանդիպման ընթացքը և կորզել հաղթանակը։ Երևանի թիմի կազմում գոլերից մեկը հեղինակեց Մատաս Վարեյկան։

Ավելի վաղ, հավաքների ընթացքում անցկացված առաջին ընկերական խաղում, «Փյունիկը» վստահ հաղթանակ էր տարել ԱՄԷ-ն ներկայացնող «United Sport» ակումբի նկատմամբ՝ 5:0։