Հայաստանը ներկայացված կլինի Կաունասում կայանալիք ձյուդոյի երիտասարդական Եվրոպայի Գավաթին

Հայաստանի ձյուդոյի երիտասարդական հավաքականը՝ 5 մարզիկների կազմով, մայիսի 24-25-ը կմասնակցի Լիտվայի Կաունաս քաղաքում անցկացվելիք երիտասարդների Եվրոպայի բաց Գավաթին։

Հայաստանի հավաքականի կազմը․

• մինչև 60 կգ՝ Վագե Աղասյան

• մինչև 60 կգ՝ Գոռ Սաֆարյան

• մինչև 66 կգ՝ Ժիրայր Ամբարյան

• մինչև 66 կգ՝ Լևա Սրապյան

• մինչև 100 կգ՝ Գոռ Կարապետյան

Հատուկ ուշադրություն է գրավում աշխարհի երիտասարդական առաջնության հաղթող Գոռ Կարապետյանի վերադարձը։ Խոստումնալից մարզիկը շուրջ մեկ տարի բացակայել է վնասվածքի պատճառով և այժմ կվերադառնա գորգ՝ Կաունասում։

Այս մրցաշարից հետո Հայաստանի հավաքականը կմեկնի Էստոնիայի մայրաքաղաք Տալլին՝ մասնակցելու նմանատիպ մրցաշարի, որը կմեկնարկի հուլիսի 5-ին։