Ամբողջական ցուցակը և վարկանիշները հայկական ֆուտբոլիստների EA FC 26-ում

Սեպտեմբերի 26-ին կթողարկվի նոր ֆուտբոլային սիմուլյատորը՝ EA FC 26, և արդեն հայտնի են Ultimate Team ռեժիմի բոլոր պաշտոնական վարկանիշները։

Խաղում ներկայացված կլինեն հայ ֆուտբոլիստներ, սակայն նրանց թիվը, ցավոք, պակաս է, քան անցած տարվա EA FC 25 տարբերակում։

Նոր խաղում բացակայում է պաշտպան Վարազդատ Հարոյանը, որը լքել է Չինաստանի առաջնությունը։ Խաղում չի լինի նաև Էդգար Բաբայանը, որը ավարտել է կարիերան։ Բացի այդ, բազայից դուրս է մնացել նաև աջ պաշտպան Մարկ Գևորգյանը․ անցած տարի նա ներկայացված էր գերմանական դրոշի ներքո, սակայն արդեն կատարել է իր դեբյուտը Հայաստանի երիտասարդական հավաքականում։ Այնուամենայնիվ, EA FC 26-ում նրան չենք տեսնի, քանի որ նրա ակումբը՝ «Հանովեր 96 II»-ը, դուրս է մնացել Գերմանիայի երրորդ Բունդեսլիգայից։

Հայաստանի հավաքականի նորեկ Թոմաս Ադորյանը, որը հանդես է գալիս Արգենտինայի «Բանֆիլդ»-ում, դեռևս չի ավելացվել Ultimate Team ռեժիմում անհասկանալի պատճառներով, թեև ապագայում դա կարող է փոխվել։

Նոր ֆուտբոլիստներից խաղում հայտնվել է միայն Գոնսալո Սելարայանը՝ Լուկաս Սելարայանի զարմիկը։ Նա դեռ ներկայացված է Արգենտինայի դրոշով, թեև ստացել է Հայաստանի երիտասարդական հավաքականի հրավեր, սակայն դեբյուտ չի ունեցել։

Մենք սպասում էինք, որ խաղին կվերադառնա Նաիր Տիկնիզյանը, որը վերջին անգամ ներկայացված էր FIFA 22-ում «Լոկոմոտիվ»-ի կազմում՝ 66 վարկանիշով։ Սակայն նրա ակումբը՝ Սերբիայի չեմպիոն «Ցրվենա Զվեզդա», խաղին չի ավելացվել։

Հայ ֆուտբոլիստները EA FC 26-ում

• Հենրիխ Մխիթարյան (Ինտեր, Սերիա A, Իտալիա) — 83 (=)
  Կենտրոնական կիսապաշտպան։
  Տաղանդներ՝ Anticipate, Jockey, Inventive, Incisive Pass, Relentless, Technical։
  Աստղեր՝ ֆինտեր — 4, թույլ ոտք — 5։

• Լուկաս Սելարայան (Բելգրանո, Արգենտինա) — 79 (-1)
  Հարձակվող կիսապաշտպան։
  Տաղանդներ՝ Inventive, Gamechanger, Incisive Pass, Dead Ball, Technical, Whipped Pass։
  Աստղեր՝ ֆինտեր — 4, թույլ ոտք — 3։

• Նորբերտո Բրիասկո-Բալեկյան (Գիմնասիա և Էսգրիմա, Արգենտինա) — 68 (-2)
  Ձախ վինգեր։
  Տաղանդներ՝ չկա։
  Աստղեր՝ ֆինտեր — 3, թույլ ոտք — 2։

• Նարեկ Գրիգորյան (Ֆարուլ, Ռումինիա) — 68 (+9)
  Աջ վինգեր։
  Տաղանդներ՝ չկա։
  Աստղեր՝ ֆինտեր — 3, թույլ ոտք — 3։

• Վահան Բիչախչյան (Լեգիա, Լեհաստան) — 67 (=)
  Աջ կիսապաշտպան։
  Տաղանդներ՝ Incisive Pass։
  Աստղեր՝ ֆինտեր — 3, թույլ ոտք — 3։

• Սարգիս Ադամյան (Կյոլն, Գերմանիա) — 67 (=)
  Հարձակվող։
  Տաղանդներ՝ Technical։
  Աստղեր՝ ֆինտեր — 4, թույլ ոտք — 3։

• Էդգար Սևիկյան (Ֆերենցվարոշ, Հունգարիա) — 67 (-1)
  Հարձակվող կիսապաշտպան։
  Տաղանդներ՝ չկա։
  Աստղեր՝ ֆինտեր — 4, թույլ ոտք — 4։

• Գրանտ-Լեոն Ռանոս (Բորուսիա Մյունխենգլադբախ, Գերմանիա) — 63 (=)
  Հարձակվող։
  Տաղանդներ՝ չկա։
  Աստղեր՝ ֆինտեր — 2, թույլ ոտք — 3։

• Անդրե Կալիզիր (Բրոմապոյկարնա, Շվեդիա) — 61 (-1)
  Կենտրոնական պաշտպան։
  Տաղանդներ՝ չկա։
  Աստղեր՝ ֆինտեր — 2, թույլ ոտք — 3։

• Գոնսալո Սելարայան (Բելգրանո, Արգենտինա) — 50 (նոր)
  Հարձակվող։
  Տաղանդներ՝ չկա։
  Աստղեր՝ ֆինտեր — 2, թույլ ոտք — 2։