Հայաստանի ֆուտբոլի ֆեդերացիայի պաշտոնական հայտարարությունը ազգային հավաքականի նոր գլխավոր մարզչի վերաբերյալ
Հայաստանի ֆուտբոլի ֆեդերացիան (ՀՖՖ) պաշտոնական հայտարարություն է տարածել ազգային հավաքականի նոր գլխավոր մարզչի նշանակման վերաբերյալ։ Ավելի վաղ հաղորդվել էր, որ նոր գլխավոր մարզչի անունը կհայտարարվի հունվարի վերջին, սակայն այս պահի դրությամբ հավաքականը դեռևս մնում է առանց գլխավոր մարզչի։ Ֆեդերացիայում վստահեցնում են, որ բանակցությունները թեկնածուների հետ շարունակվում են։
Գլխավոր նպատակը՝ մարզչի նշանակումը Ազգերի լիգայի փլեյ-օֆֆի՝ Վրաստանի դեմ հանդիպումներից առաջ, որոնք նախատեսված են մարտի 20-ին և 23-ին։
«Հայաստանի ֆուտբոլի ֆեդերացիան գիտակցում է, որ բոլորը հետաքրքրված են Հայաստանի ազգային հավաքականի նոր գլխավոր մարզչի նշանակման հարցով։ ՀՖՖ-ն շարունակում է ինտենսիվ բանակցությունները մի քանի թեկնածուների հետ։
Թեկնածուներից յուրաքանչյուրի հետ ընթանում են անհատական բանակցություններ և հարցազրույցներ, որոնցով պայմանավորված՝ գլխավոր մարզչի վերջնական ընտրությունը ձգձգվում է։
ՀՖՖ-ն անում է առավելագույնը՝ ամենաօպտիմալ տարբերակն ընտրելու համար: Մոտ ժամանակներս արդեն կունենանք հստակություն թեկնածուների շրջանակի հարցում և կներկայացնենք նրանց ՀՖՖ գործադիր կոմիտեի հաստատմանը։»,- ասված է Հայաստանի ֆուտբոլի ֆեդերացիայի պաշտոնական հայտարարության մեջ։
Քննարկեք նորությունները!
Անցնել մեկնաբանություններին ↓
Comments
0