Պաշտոնական. Խավի Մորենոն՝ «Փյունիկի» նոր ֆուտբոլիստն է

«Փյունիկ» ֆուտբոլային ակումբը շարունակում է թիմի ուժեղացումը և պաշտոնապես հայտարարում է իսպանացի աջ վինգեր Խավի Մորենոյի հետ պայմանագրի ստորագրման մասին։

27-ամյա ֆուտբոլիստն առաջ հանդես է եկել լեհական «Լոդժ» ակումբում 2021/22 մրցաշրջաններում, այնուհետև տեղափոխվել է իսպանական «Հերկուլես», որը հանդես է գալիս Իսպանիայի առաջին դիվիզիոնի ՌՖԵՖ խմբում B (երրորդ ուժեղագույն դիվիզիոն)։

Նախորդ մրցաշրջանում Մորենոն «Հերկուլեսի» կազմում անցկացրել է 37 խաղ, խփել է 5 գոլ և կատարել է 7 գոլային փոխանցում։

Transfermarkt-ի տվյալներով՝ նրա շուկայական արժեքը կազմում է 300 հազար եվրո։

Ներկայումս «Փյունիկը» մարզավարժական հավաք է անցկացնում Վրաստանում՝ նախապատրաստվելով Կոնֆերենցիաների լիգայի խաղերին Սան Մարինոյի «Տրե Ֆիորիի» դեմ։