Պաշտոնական է. Դանիել Ագբալյանը վերադարձել է «Փյունիկ»

«Փյունիկ» ֆուտբոլային ակումբը հայտարարեց Հայաստանի ազգային հավաքականի կիսապաշտպան Դանիել Ագբալյանի վերադարձի մասին։ 26-ամյա ֆուտբոլիստը պայմանագիր է ստորագրել ակումբի հետ, որի կազմում նախկինում հանդես է եկել 2019/20 և 2020/21 մրցաշրջաններում։

2021 թվականի ամռանը «Փյունիկից» հեռանալուց հետո Ագբալյանը դարձավ ԲԿՄԱ-ի առանցքային խաղացողներից մեկը՝ չորս մրցաշրջանների ընթացքում անցկացնելով 129 հանդիպում, խփելով 12 գոլ և կատարելով 15 գոլային փոխանցում։

2025 թվականի հունիսին Ագբալյանը նորամուտը նշեց Հայաստանի ազգային հավաքականում՝ դաշտ դուրս գալով Մոնտենեգրոյի հետ խաղում։