«Նոան» իմացավ Եվրոպայի լիգայի հնարավոր մրցակցին․ երրորդ փուլի վիճակահանության արդյունքները

Հուլիսի 21-ին Շվեյցարիայի Նյոն քաղաքում կայացավ Եվրոպայի լիգայի որակավորման երրորդ փուլի վիճակահանությունը։ Հայաստանի չեմպիոն «Նոան», որը շարունակում է պայքարը Չեմպիոնների լիգայում, իմացավ իր հնարավոր մրցակցի անունը՝ պարտության դեպքում հունգարական «Ֆերենցվարոշից»։

Եթե հայկական ակումբը պարտվի, ապա կտեղափոխվի Եվրոպայի լիգայի Չեմպիոնների ուղի և կմրցի «Լինքոլն Ռեդ Իմփս» (Ջիբրալթար) – «Ցրվենա Զվեզդա» (Սերբիա) զույգի պարտվողի հետ։

Վիճակահանությունը հաջող ընթացք ուներ «Նոայի» համար։ Մասնագետների կարծիքով՝ «Ցրվենա Զվեզդան» կհաղթի «Լինքոլնին», և այդ դեպքում հայկական ակումբը կհանդիպի Ջիբրալթարը ներկայացնող թիմի հետ՝ այս փուլում ամենահարմար մրցակիցներից մեկի։

Նշենք, որ հաղթանակի դեպքում «Ֆերենցվարոշի» հետ դիմակայությունում՝ «Նոան» կշարունակի ելույթը Չեմպիոնների լիգայում և երրորդ փուլում կհանդիպի «Ռիեկա» (Խորվաթիա) – «Լուդոգորեց» (Բուլղարիա) զույգի հաղթողի հետ։

Եվրոպայի լիգայի Չեմպիոնների ուղին ներառում է այն թիմերը, որոնք դուրս են մնացել Չեմպիոնների լիգայի որակավորումից։ Լիգայի ուղում հանդես են գալիս ոչ չեմպիոն ակումբներ և այն թիմերը, որոնք մեկնարկել են հենց Եվրոպայի լիգայից։ Բացառություն է կազմում «Սերվետ» – «Վիկտորիա Պլզեն» զույգը, որը նույնպես եկել է Չեմպիոնների լիգայից։

Եվրոպայի լիգայի երրորդ փուլի բոլոր զույգերը՝
Չեմպիոնների ուղի․

• «Լինքոլն Ռեդ Իմփս» / «Ցրվենա Զվեզդա» — «Նոա» / «Ֆերենցվարոշ»

• «Լուդոգորեց» / «Ռիեկա» — «Շելբուրն» / «Քարաբախ»

• «ՌՖՍ» / «Մալմյո» — «ԿուՊՍ» / «Կայրաթ»

• «Համրուն Սպարտանս» / «Դինամո Կիև» — «Մաքաբի Թել Ավիվ» / «Պաֆոս»

• «Զրինսկի» / «Սլովան Բրատիսլավա» — «Բրեյդաբլիկ» / «Լեխ Պոզնան»

• «Շքենդիա» / «ՖԿՍԲ» — «Դրիտա» / «Կոպենհագեն»

Լիգայի ուղի․

• «Ցելյե» / ԱԵԿ Լառնակա — «Լեգիա» / «Բանիկ»

• «Ֆրեդրիկստադ» — «Միդտյուլանդ» / «Հիբեռնիան»

• «Լուգանո» / «ՉՖՌ Կլուժ» — «Բրագա» / «Լևսկի»

• ՊԱՕԿ — «Վոլֆսբերգեր»

• «Սերվետ» / «Վիկտորիա Պլզեն» — «Շերիֆ» / «Ուտրեխտ»

• «Անդերլեխտ» / «Հեկեն» — «Բրանն» / «Զալցբուրգ»

• «Պանատինայկոս» / «Ռեյնջերս» — «Շախտյոր» / «Բեշիքթաշ»