«Նոան» ուժեղացավ Կոնգոյի Դեմոկրատական Հանրապետության հավաքականի դարպասապահով

Հայաստանի չեմպիոն «Նոա»-ն պաշտոնապես հայտարարեց Կոնգոյի Դեմոկրատական Հանրապետության ազգային հավաքականի դարպասապահ Տիմոթի Ֆայուլուի հետ պայմանագիր կնքելու մասին։ 26-ամյա դարպասապահը «Նոա»-ին միացավ վարձակալությամբ՝ Շվեյցարիայի Բարձրագույն լիգայի «Սիոն»-ից։ Պայմանագիրը նախատեսված է մեկ տարով։

Ամառային ընթացքում Ֆայուլուն հայրենակցվեց և արդեն հասցրել է հանդես գալ Կոնգոյի Դեմոկրատական Հանրապետության հավաքականում՝ մեկ խաղում։ «Սիոն»-ի կազմում նա հանդիսանում էր հիմնական դարպասապահը՝ անցկացնելով ավելի քան 100 հանդիպում։

Այս տրանսֆերով «Նոա»-ն ամրապնդեց դարպասապահական գիծը՝ մինչև Կոնֆերենցիաների լիգայի հիմնական փուլի մեկնարկը։ Հիշեցնենք, որ թիմում հանդես են գալիս նաև Հայաստանի հավաքականի դարպասապահ Օգնեն Չանչարևիչը, երիտասարդ ռուս Ալեքսեյ Պլոշադնին, ինչպես նաև Հայաստանի երիտասարդական հավաքականի թեկնածու Արթուր Կոնեգլյանը՝ բրազիլական «Գրեմիո»-ի սան, ով ունի հայկական արմատներ։

Transfermarkt-ի տվյալներով՝ Ֆայուլուն դարձավ Հայաստանի Պրեմիեր լիգայի ամենաթանկ ֆուտբոլիստը՝ նրա տրանսֆերային արժեքը կազմում է 1.4 մլն եվրո։ Երկրորդ տեղում նույնպես «Նոա»-ի ներկայացուցիչն է՝ ճապոնացի կիսապաշտպան Տակուտո Օշիման (1.2 մլն եվրո)։