«Նոա»-ն հաղթեց Խորվաթիայի չեմպիոնին Կոնֆերենց լիգայում (ՎԻԴԵՈ)

Հայաստանի գործող չեմպիոն «Նոա»-ն հաղթանակով մեկնարկեց ՈՒԵՖԱ Կոնֆերենց լիգայի 2025/26 մրցաշրջանի խմբային փուլում։ Երևանում՝ Հանրապետության ստադիոնում, թիմը 1:0 հաշվով պարտության մատնեց խորվաթական «Ռիեկա»-ին։

Արդեն 6-րդ րոպեին հանդիպման հաշիվը բացեց բոսնիացի հարձակվող Նարդին Մուլահուսեյնովիչը, օգտվելով Տակուտո Օսիմայի կատարած անկյունայինից։ Հյուրերի համար իրավիճակը բարդացավ առաջին խաղակեսի կեսին․ 29-րդ րոպեին «Ռիեկա»-ի վինգեր Նիկո Յանկովիչը ստացավ ուղիղ կարմիր քարտ՝ թողնելով խորվաթական թիմին թերակազմ։

ՎԻԴԵՈ

Այսպիսով, «Նոա»-ն վաստակեց առաջին երեք միավորները խմբում։ Հաջորդ հանդիպումը հայկական ակումբը կանցկացնի հոկտեմբերի 23-ին՝ Ռումինիայում, «Ունիוועրսիտատեա Կրայովա»-ի դեմ։

Կազմերը.

• «Նոա»: Ֆայուլու — Բոակյե, Սայնտինի, Մուրադյան, Սուալեհե — Էտեկի, Սանգարե, Օսիմա (86’, Թորարինսոն) — Ֆերեյրա (75’, Այաս), Յակոլիշ, Մուլահուսեյնովիչ։

• «Ռիեկա»: Զլոմիշլիչ — Հուսիչ, Ռադելիչ (85’, Վինյատո), Դևետակ — Օրեչ, Պետրովիչ, Լասիցկաս (85’, Նդոկիտ), Ֆրուկ (85’, Մատեյ Յուրիչ), Մենալո (64’, Բոգոևիչ), Յանկովիչ (կարմիր քարտ, 29’) — Աբու-Աջեյ (64’, Դանտաշ)։