Նարեկ Գրիգորյանը կրկին փայլում է Ռումինիայում․ գոլ և գոլային փոխանցում հաղթական խաղում (ՎԻԴԵՈ)

Հայ հարձակվողական կիսապաշտպան Նարեկ Գրիգորյանը շարունակում է տպավորել Ռումինիայի Սուպերլիգայում։ 15-րդ տուրի «Մերկուրիա Չյուկ»-ի դեմ խաղում ֆուտբոլիստը աչքի է ընկել գոլով և գոլային փոխանցմամբ, իսկ նրա ակումբը՝ «Ֆարուլ»-ը, համոզիչ հաղթանակ է տարել՝ 3:0 հաշվով։

Գրիգորյանը խաղադաշտում անցկացրել է 87 րոպե և SofaScore-ի վարկածով ստացել է խաղի ամենաբարձր գնահատականը՝ 8.3։ Բացի գոլից և փոխանցումից, նա կատարել է 1 կարևոր պաս, ստեղծել 1 գոլային պահ, հարվածել է 4 անգամ և հաղթել 7-ից 5 մենամարտերում։

Սա արդեն երկրորդ անընդմեջ խաղն է, որում Նարեկ Գրիգորյանը գոլ է խփում։ «Ֆարուլ»-ը հաղթել է երկու հանդիպումներում էլ և բարձրացել Ռումինիայի առաջնության մրցաշարային աղյուսակի 7-րդ հորիզոնական։

ՎԻԴԵՈ՝