Նարեկ Գրիգորյանը գրանցեց գոլային փոխանցում «Ֆարուլի» վստահ հաղթանակում (ՏԵՍԱՆՅՈՒԹ)

Հայ թեւավոր Նարեկ Գրիգորյանը իր ներդրումն ունեցավ «Ֆարուլի» խոշոր հաղթանակում «Ունիվերսիտատեա Կրայովայի» նկատմամբ՝ Ռումինիայի Սուպերլիգայի 24-րդ տուրի խաղում։ Հանդիպումն ավարտվեց 4:1 հաշվով, և Կոնստանցայի թիմը բարձրացավ մրցաշարային աղյուսակի 10-րդ հորիզոնական։

Գրիգորյանը սկսեց խաղը մեկնարկային կազմում և խաղադաշտում անցկացրեց 70 րոպե։ 31-րդ րոպեին նա գոլային փոխանցում կատարեց Դավիդ Մաֆթեային, ով հաշիվը դարձրեց 3:0՝ գրեթե ապահովելով տանտերերի հաղթանակը։

Այս փոխանցումը դարձավ Գրիգորյանի համար արդեն 4-րդը ընթացիկ մրցաշրջանում։ Բացի գոլային փոխանցումից, նա ակտիվ էր նաև խաղի կառուցման մեջ՝ ունենալով 1 ստեղծած գոլային պահ և 2 հիմնական փոխանցում։ SofaScore վերլուծական հարթակը գնահատեց նրա ելույթը՝ 6.8 միավոր։

«Ֆարուլը» անցկացրեց իր ամենաարդյունավետ խաղերից մեկը մրցաշրջանում, իսկ Գրիգորյանի դերը կրկին ընդգծվեց թիմի հարձակման գծում։

ՏԵՍԱՆՅՈՒԹ ԳՈԼԻՑ՝