Նաիր Տիկնիզյանը՝ Չեմպիոնների լիգայում «Լեխի» դեմ և «Ցրվենա Զվեզդայի» հաղթանակը

Չեմպիոնների լիգայի որակավորման երրորդ փուլի առաջին խաղում Բելգրադի «Ցրվենա Զվեզդան» արտագնա խաղում 3:1 հաշվով հաղթեց Լեհաստանի «Լեխին»։ Դուբլի հեղինակ դարձավ «Միլանի» նախկին կիսապաշտպան Ռադե Կրունիչը, իսկ մեկ գնդակ խփեց Բրունո Դուարտեն։ Տանտերերի կազմում միակ գոլը հեղինակեց ասորիկ Միքայել Իշակը։

Հայկական արմատներով պաշտպան Նաիր Տիկնիզյանը խաղադաշտում անցկացրեց ողջ հանդիպումը՝ մասնակցելով իր թիմի երկու գոլային հարձակումներին։ Երկու դրվագներն էլ զարգացան նրա եզրով։ Առաջին դեպքում նա խելացիորեն բաց թողեց գնդակը Միրկո Իվանիչի համար, ինչը հանգեցրեց գոլի։ Երկրորդ դեպքում՝ նա բարձր ճնշում գործադրեց մրցակցի դարպասի մոտ, խլեց գնդակը՝ սկիզբ տալով արդյունավետ գրոհին։

Նաիր Տիկնիզյանի վիճակագրությունը խաղում.

• Խաղադաշտում անցկացրած րոպեներ՝ 90+

• Ճշգրիտ փոխանցումներ՝ 21 (66%)

• Երկար փոխանցումներ՝ 1 / 4

• Հաջող դրիբլինգ՝ 1 / 2

• Հաղթած մենամարտեր՝ 7 / 11

• Օդային մենամարտեր՝ 2 / 3

• Տուգանային շրջանի խլումներ՝ 5

• Աղետալի փոխանցումների խափանում՝ 2

• Վտանգավոր գոտու մաքրումներ՝ 2

• SofaScore գնահատական՝ 7.1

Պատասխան հանդիպումը տեղի կունենա օգոստոսի 12-ին՝ Բելգրադում։ Զույգի հաղթողը հաջորդ փուլում կհանդիպի «Դինամո» Կիև – «Պաֆոս» զույգի հաղթողի հետ (առաջին խաղը՝ 0:1 Կիպրոսի թիմի օգտին)։

Կարդացեք նաև.
«Ցրվենա Զվեզդայի» տնօրենը՝ «Չեմ ուզում հանդիպել Կիևի «Դինամոյի» հետ»